跟足規矩定人情行先？近日有媽媽於網上狂呻搭小巴的不快經歷，指自己因手抱着初生嬰兒，欲下車才付款，誰料被司機鬧足全程，甚至想趕她落車！
貼文於周一（21日）上載到Facebook群組「Fanling 粉嶺」。發貼者指於當日下午約6時上車，當時小巴上只剩下車尾一個空位。由於她手抱着嬰兒，未及騰出手取八達通，故向司機稱下車時才付款，不料司機表示︰「唔得！要上車畀錢，唔畀錢就落車」，同時指示其餘候車乘客上車。
雖然她其後獲好心人代為取卡付款，惟司機仍沿路追擊，斥其走數。她心有不甘，待乘客全數下車後，上前到車頭位置理論，「我抱住BB企咗喺度，佢就唔理，想關門照開車」。她澄清自己非存心走數，怒斥司機不知所謂，「佢真心癲癲地」。
貼文惹起網民爭論，有人力撐發貼媽媽，大數小巴司機不是，「抱住個B上小巴好有壓力的」、「呢啲人真係欺善怕惡」。有部分留言則質疑事主「恃B享特權」，「明知自己上車就準備定錢啦」、「畀你後補拍卡係人情，唔畀你係道理」。
新聞
http://hk.on.cc/hk/bkn/cnt/news/20180523/bkn-20180523073041402-0523_00822_001.html
