lomobaby

夜晚8點幾我坐大巴, 途經水圍麥當奴出面個大巴站, 大巴後門打開, 有個大陸男人企上車門邊左望右望, 突然”嗖”一聲撲上一個坐司機位後面講緊電話背住佢o既男人, 一手搶左佢個手機轉身由後門落車企番原位!

我坐後面睇住, 由開車門到佢落左車都吾夠兩秒! 俾人搶手機個男人再過兩秒先反應過來, 即刻落車追啦.
點知最離譜係個賊根本o吾驚亦o吾走, 原來佢仲有三個同黨一齊, 睇到果個男人同幾個賊推撞, 都o吾慌搶得番部手機….
深圳扒手成日都見, 但咁樣明搶, 防不勝防!  可能你o吾坐大巴, 但總之都要小心D啦!