水立方被掃果晚既事-轉貼
水立方被掃果晚既事
話說10號晚我同女友加2個男性朋友11點到達水立方, 係大堂休息到差唔多1點先上房,本來想同我女友一間房.不過部長話呢排查得好嚴(估唔到真係好能嚴) 一男一女 (客) 係唔可以同一間房,咁我唯有自己一個, 我女友係我隔離房, 2個fds就同房.咁好啦,按左唔夠15分鐘就見到出面有人裝下裝下, 跟手房門就俾一個KO打開,當時我心諗唔係咁好彩呀,第一次嚟就玩d咁既野, 個KO即刻叫我同技師起身,之後就冇講野企起門口(每一間房都有一個), 其間dKO走嚟走去,個個都袋住至少幾條索繩,好似馬上就想拉人封艇咁… 我想睇下我女友點樣都唔得,係咁叫我留係房, 唔可以出去. 初時我都以為係咁易做場戲, 直到10分鐘就有人影我相, 我就知道唔係咁簡單, 唔係講笑,當時都幾驚, 腦中出現叫雞被拉既新聞, d相都係咁既posts,爭在我係有著3,之後就登記我同個技師既名呀, 電話,地址咁, 其間我都表現合作, 不過個技師就唔係咁好語氣, 冇幾耐全部人都被帶到4樓既樓梯位, 技師一邊, 客人一邊, 我同女友加友人企埋一齊, 當時大約有技師,客各30零人再加20個KO, 個個都唔知發生咩事,過左一陣, 就開始讀名, 叫到名就要行出嚟, 技師配番客人, 當時我就諗到好似玩配配對咁, ,有d技師仲自動波搵返d客出嚟, 節省唔少時間, 場面都幾撹笑…其間dKO拿住封條, 應該係用嚟封房既…睇左一陣發現任何配對(2男2女一房, 女女, 一男一女(都係客人, pk, 又話唔可以一男一女, 有d人咪得)全部冇事叫返入隊, 不過一男一女(客加技師)同房既就會另外叫去一邊, 當時都知中硬, 我個fd仲叫我出定去都得喇, 我仲諗定同女友一齊出去, 睇下有冇轉機走得甩,點知…最後竟然冇叫我同技師個名, 鬆左一口氣,以為避過一劫
點晒名後就一人一只膠杯仔驗尿, 6個6個咁去, 搵左一間酒店房(原來4樓有d咁既房既), 入面仲有一個男人係度玩緊鬥地主, 個KO連咩野"而家要征用你間房"呢類既場面話都冇講就入左去,個男人冇講野, 但係個樣都幾無奈,不過無法喇, 跟住一個跟一個去取樣本喇, 再擺係地下, 放左一塊版入去等幾分鐘就有結果, 我地六個都冇野, 自己拿返塊版就出去, KO仲提醒我地唔好唔見, 否則後果自負.
KO會幫我地係塊版上面寫上各人既手牌號碼以作識別,跟住就到女既去驗…唉…是福不是禍, 是禍躲不過, 唔知係咪我易認定初時企係我門口個KO有記性, 一見到我就拉左我同個技師去埋果邊(果時我女友又去左驗尿,幫我唔到)有個高級d既KO拿住張寫住各人既名同房間既紙開始叫名,男既就被領著落更衣室換衫返警局, 加埋我有8個人,落到去更衣室見到幾十人坐左係池邊, 每人身前都有一杯尿, 我諗成間場所有人都要驗
出到外面有幾十人係街好似睇戲咁, 不過不幸係我被睇果個, 我地架車連技師KO都過20人, 冇位全程企, 最pk唔知去邊嘛, 好彩唔係好遠,15分鐘就到, 全部人入到去一間大房, 等左陣就單獨落口供, 問左好多問題, 幾點去果度, 點消費, 用幾錢, 諗住俾幾多小費, 屋企電話, 聯絡人, 連我女友名, 電話, 邊到人都問埋, 唔係一般既仔細, 用左20分鐘倒喇, 之後佢俾左張我擁有咩野既權利既紙俾我睇, 佢問我了唔了解, 我話了解…然後再俾張口供紙我睇叫我簽, 一開始就係個人資料, 再嚟就係因我涉嫌嫖妓, 要拹助調查, 之後就係事情經過, 唔係講笑,個KO幾好文采, 寫到作文咁, 成200個字.睇晒都唔見有咩對我不利既野, 咁就簽字打指模, 我問幾時走得, 佢就話問完就ok, 果時我個心都定d, 再落返去間大房等, 等到所有人都撹惦果時都成5點, 原來仲有一度手續要做, 就係打指模入電腦, 每一隻手指要都scan, 仲影左幾張監犯相, 正面, 左側面, 右側面, 不過唔駛舉牌…跟住又返入去等, 當時真係唔知仲要等幾耐, 幸好冇幾耐個KO話可以走啦, 不過走前要俾小費, 係俾技師既, 照佢意思俾人拉左去都要俾小費架(唔知好嬲定好笑,不過班技師身上冇帶錢,俾佢地當車費)…邊個唔俾就唔准走, 初時唔知佢係講真定裝我地, 咁無人出聲喇, 佢就叫一個大陸友俾, 點知條友串串貢, 話咩野, 我俾唔俾係我既自由, 你憑什麼管, 很過份之類, 個KO開始起火, 話"好呀….你唔俾就馬上走, 走呀, 你走呀, 幹嗎不走", 不過條友仔唔敢走, 我都理解既, 咁既情況走都唔知佢地會做咩呀, 屈你擅自逃走你仲唔pk, dKO叫多幾聲就唔理佢,大家見咁既情況都呆左一陣,個KO就指住一個男人話你老婆係出面等緊, 俾低小費就走先, 個男人俾左後又真係走得, 咁第二個有老婆等緊既又走左, 咁我就話我朋友都係出面等緊, 俾左50蚊我個技師, 走前知道佢唔肯打指模, 真係有性格, 唔知佢同個大陸友幾時先走得
出到去成個人都鬆晒, 講真我真係諗過最壞既情況,屈你叫雞再鎖你十日八日, 而家都算不幸中既大幸, 走時已經成6點. 上的士返去同水立方講數, 老真講,如果係我自己要求一間房俾人拉左我冇野講, 但係我根本就打算同女友一間房, 係佢地話為左客人安全要分房, 我相佢地, 點知原來最唔安全就係一個人一間, 我真係小佢老味, 最能pk係明明就有幾對男女同房, 佢地可以, 點解我地唔得, 個部長一直話為左安全, 我真係忍無可忍, 而家唔方唔能安全喇, 去能左警局, 仲有KO保護呀,最後有個所謂既老總話送一張價值178按摩卷, 我地梗係唔肯, 唔計時間, 搭的士都成舊水, 4個人俾一張, 仲要我地下次嚟…我地話送就送4張喇, 我女友嚇餐飽呀, 佢地話唔得, 因為係老總自己俾錢喎, 最多一張,其間個老總成日失蹤, 搵幾個姿客同我地講, 咁我地就話唔要張178, 俾返100搭的士, 因為個老總講到自己要真金白銀買張178, 咁而家幫佢慳返78,佢又唔肯, 叫佢俾150蚊簽小食又話唔得, 既然係咁就退返4張98優惠卷又話係羅湖買呢倒唔退得, 呢樣又唔得果樣又唔肯, 最後擾攘左成個鐘終於肯退返錢, 講真,同佢地講咁耐真係唔攰咩, 不過係為啖氣, 點解佢地話安全既反而唔安全, 其實就算佢地真係俾4張178我地都唔想要, 呢間野真係唔想再去, 我知佢地都唔想, 不過至少做返d野補償下d客, 我聽fd講因有個女人個老公俾人拉左(同我一車), d錢係老公度, 唔夠錢找數, 佢地唔俾個女人走, 仲搵人攔住佢, 大佬, 人地都唔係唔想俾錢架, 一間咁大既場為左幾百蚊,唔好話免一個人既錢, 就算當時所有既客人都免晒又幾多錢呀, 成場人都玩左幾個鍾呀, 俾返少少補償都唔係好過份啫, 更何況人地趕住去警局, d management真係唔惦囉
