蛇仔明

網上爆出一條18秒短片，片中一個疑似香港OL，公然喺港鐵車廂食公仔麵。佢一邊食一邊同個friend有講有笑，完全當其他乘客透明，而當時車廂企滿乘客，好大機會係返工放工繁忙時間。

不過識睇係要睇留言。呢段片爆出後，理應有唔少人睇唔過眼，話佢觸犯法例，影衰港人面子等等。但係今次情況竟然逆轉，有唔少網友竟然同情片中女主角，有人就話坐港鐵返工至少坐一個鐘，唔俾食嘢好慘，亦有人話佢只要食嘢唔整到周圍都係就冇問題。

畢竟車廂係大家嘅，我哋成日狙擊強國蝗蟲嘅同時，自己係咪要以身作則呢？