blackjackal

keithyim_1_3f9f5312ac4a2e15c3032e73f6657d0e.jpg (99.95 KB)

2018-9-25 23:24

最能夠代表一國兩制嘅應該就係支付工具。大家都知，支付寶跟微信支付是有分香港版與中國大陸版本。香港人開大陸版，唔係唔得，係好煩，同好難。香港版亦唔係咁易係大陸俾到錢。唔少人返大陸即變港燦「我哋只收微信同支付寶架咋，乜你香港人仲要用人仔架！」。不過，世界會變，香港好快一國 一制，微信支付香港版 WeChat Pay HK 會好快支援免大陸開戶，用香港版電子錢包係中國大陸俾錢、付費，即係你唔駛再申請中國大陸錢包！「微信支付」在大陸十分流行，家陣係中國大陸打的士，去士多買嘢，都未必肯收你人仔現金。不過，香港人其實唔多用到，因為微信支付大陸版，要有大陸手機號碼做認證，又要有大陸銀行戶口，雖然早前可以用「微信支付」大陸版綁定香港信用卡，但也只支援 Online 購物，實體商店都係用唔到。不過，據知 26／9 （三），WeChat Pay HK ／微信支付母公司騰訊會正式公佈 WeChat Pay HK 「雙向跨境支付」細節。據得到嘅消息，今次微信香港與中國銀聯、銀聯國際合作，為 WeChat Pay HK 錢包實現「雙向跨境支付」。銀聯會為 WeChat PayHK 條碼支付業務提供轉接清算服務，全面保障 WeChat Pay HK 用戶跨境移動支付的安全。簡單來說，如無意外，不久將來，WeChat Pay HK 錢包就可以係大陸用到「微信支付」即係跟大陸人一樣，係中國大陸用「微信支付」俾錢，咁對於成日往返中國大陸工作嘅網友來講，應該會係一個喜訊來！留意嘅係，今次用上「雙向跨境支付」字眼意味著，中國大陸錢包，與香港錢包正式打通，大家唔駛再分得那麼細。細節如何，就要留意騰訊於 26／9 （三）下午嘅公佈啦

blackjackal

十月一日開通，即係話，香港 WeChat Pay 錢包，可直接係中國大陸微信支付平台俾錢！咁有乜要注意呢？

001 ： WeChat Pay HK 於中國大陸使用流動支付服務，香港用戶需要將 WeChat 升級至6.7.2或更高版本。

002：由 2018 年 10 月 1 日開始啟動互通服務。

003：首階段支援商戶包括，滴滴打車、美團外賣、大眾點評及 12306 等商戶，用呢  d app 係中國大陸叫車，叫外賣，去餐廳食嘢，或者買高鐵或動車車票都可以用香港 WeChat Pay 付款。

004：因為首階段，其他中國大陸微信支付付款點要慢慢才打通。

005：WeChat Pay HK 將自動為用戶換算人民幣至港幣，提供匯率報價及自動換匯服務。

006：用戶須在中國大陸付款前，需要輸入 6 位數字的付款密碼以作授權。