blackjackal

HTC 今年 One 系列到目前為止，已經發布左 HTC One E9、HTC One E9+、HTC One M9、HTC One M9+ 四個機款，後三者香港已經賣緊街。本來以為王雪紅話 10 月有驚喜，我已經打算坐係度等到新機到，點知未到 10 月又有一款 One 旗艦系列到港，就係 HTC One ME 啦！


事關 HTC 已經發出邀請預告，香港係六月二十五日將會有場發布會，產品正正係 One ME！其實呢款新機資料係 HTC 中國已經通曬天，其實毫不意外，無咩特別，但就會好期待。因為部 One ME 配備 5.2 吋 2K 芒，2000 萬像素主鏡頭同埋最中意既 Ultrapixel 前鏡頭，處理器就用左八核心 MTK Helio X10，加上 3GB RAM 同 32GB 內存，同埋可以插爆 2TB 外置記憶卡！ 電量方面就維持 2840 mAh，根據之前 M9+ 使用經驗，係足夠一日用量有餘。

最吸引莫過於機身正面會加入埋指紋識別感應器，希望都會係 M9+ 果種，因為速度同 iPhone 6 一樣咁快。同埋香港發售的 One ME 是雙卡版本來的，對於幾張卡的人來講當然方便。而 M9+ 有既杜比加持 BoomSound，係 One ME 上都會有。整個機型十足 M9+，但就缺少金屬外殼和雙鏡頭設計。