長洲太平清醮以往下午的飄色巡遊及晚上搶包山備受矚目，但今天不少市民在飄色巡遊完結後即坐船離開，島上入夜人流大減。有售賣長洲大魚蛋的商戶嘆謂人流不似預期，入夜時還賣剩過半食材。
入夜後不少小食攤檔在長洲碼頭附近開檔，儼如小夜市，包括串燒、車仔麵及煎釀三寶、串串雞蛋仔及手拉腸粉。《Yahoo新聞》記者現場所見，每檔高峰期時只有十數市民圍觀，購買者不算多，僅得車仔麵檔較受歡迎。今天入夜人流與一般假日相近，海旁的海鮮餐廳未見坐滿，不少店舖亦於太平清醮期間休息。
同樣位於碼頭附近、售賣大魚蛋的「東源」負責人翁先生指，今年市道不如預期，人流不及數年前的太平清醮。他亦稱「冇諗過疫情，三年後都唔係咁多人嚟」，原本今日準備了大量食材，卻尚未賣清，「原本我收七點，而家（接近8時）都未收到工，就係因為未買晒啲嘢」。他指仍有過半食材未賣出，往後如果有大型活動亦會減少預留食材份量。
原居民關店「出香港避下」
Rainbow Cafe今日提供「太平清醮素食餐單」，店主蔡太指今年人流雖然比過去兩三年多，但仍較七至八年前遜色，故決定在七時關店，「生意係多咗少少，但又唔係話翻幾倍，一定唔會」。她又指因為受太平清醮封路影響，不少長洲原居民店主選擇在太平清醮期間寧願不開店，「晨早出香港避下」，故營業的店舖亦較少，「嘢食�H選擇少咗，就會多咗少少人嚟食嘢」。
廖先生與朋友今日特意趁太平清醮到長洲，兩人下午五時許到達，希望可觀賞搶包山決賽才離開。他指兩人過往並未試過親身到場觀賞搶包山，「之前睇都係喺電視睇，停咗三年左右，之前都想睇但無機會，疫情完咗就想嚟睇下」，計劃半夜乘船離開。問到是否有心水選手，他指希望一睹過往多屆「包山王」、「包山后」的風采。
兩人在碼頭傍的小夜市購買35元一杯的西瓜奶酪，廖生認為價格尚算合理，亦有購買魚蛋小食，並打算到大排檔用膳。
彭先生亦特意到長洲，「有幾年都有嚟，有時間就嚟」，計劃觀賞搶包山決賽後才離開。他指過往到長洲，也是「食吓包、食吓海鮮同小食」，故亦有到小夜市購買即製腸粉享用，「出嚟玩熱鬧吓」，24元一份價錢亦可接受。
晚上坐船人流較疫情前減13%
新渡輪回覆查詢時指，截至晚上八時，新渡輪錄得往來中環及長洲之總人次為43,300。較去年同期（疫情期間）增加78%；較2019年(對上一次會景巡遊舉行)同期則減少13%。
https://hk.news.yahoo.com/%E9%95%B7%E6%B4%B2%E5%A4%AA%E5%B9%B3%E6%B8%85%E9%86%AE%EF%BD%9C%E5%85%A5%E5%A4%9C%E4%BA%BA%E6%B5%81%E5%A4%A7%E6%B8%9B-%E5%A4%A7%E9%AD%9A%E8%9B%8B%E6%BB%AF%E9%8A%B7%EF%BC%9A%E8%B3%A3%E5%94%94%E6%99%92%E6%9C%AA%E6%94%B6%E5%88%B0%E5%B7%A5-140911520.html
