尋日問過有邊間正骨平靚正，今日一於上路試一試。因為無記到地址，只記得係東門附近，所以搭地鐵去到東門就出去行下搵下，睇下係咪真係 $50 2個鐘先，行行下，有兩個阿姐過來sell，一間叫和興，另一間叫雅趣，和興用的宣傳單張設計靚d，用埋粉紙印刷。雅趣就用好cheap的紙，單色印刷，睇睇入面內容先，和興2個鐘要$60，雅趣2個鐘只係$50，一心諗住試下$50 2個鐘的按摩，所以揀了雅趣。
原來地方設響地庫，入去時裝修一般(出面個阿姐話新裝修 @@)，不過算，而家去係按摩唔係睇裝修，50蚊兩個鐘想豪華大場咩。入去更衣室沖涼，點知d 沖涼格麻麻，第一格個花曬條喉漏水，所以個花曬出來d水無乜力，第二格就爛左個掛扣，花曬全程要手持。不過都無乜所謂，沖個涼o者。洗完之後換衫，個locker仔問我想點按，話有中、泰同韓式，我梗係揀中式，都係o個句，50蚊兩個鐘嘛！
個部長初頭帶我入去一間房，去到再問我係按咩式，我再講話係中式，佢話中式要轉房，轉就轉啦，轉了去第二間房，佢又問我要咩式，我仍然話係中式，佢話點解唔式其他，我都無理佢。間房幾開揚，左右兩邊都係大玻璃，可以睇到隔離房d人做乜，睇一睇，隔離有個技師同個客按摩緊，嘩，個技師雖然係著運動衫，但係居然露了乳溝！佢知我望佢，望了我一眼，原來佢都幾好樣，有85分。過了一陣，我的按摩師到了，係@@%，樣同身材都ok喎，但係按時手勢就麻麻，按膊時仲按到好鬼痛，
要叫佢細力d，但係佢按腳又ok，真係可以按到d 穴位，唔係係負碌定真係識按
。間房好細，但係放左兩張床，所以按既時候會就住就住，一邊就按到，另一邊就按得唔暢快。除了按身同按腳之外，仲有按頭，佢居然連太陽穴都按唔準！只係響附近捽捽下。
又會按下眼蓋，之後按眼皮，真係好驚佢按眼皮時發力(成日睇戲d人打交係搵手指公一野插入眼珠到！)，咁我對眼就係咁先，好難都無事平安度過，整個按摩過程都無講野，連電視都無開，唔想嘈，只想靜靜休息下。
兩小時過去，原來真係唔駛簽小費，佢報完鐘就走人了。我走返去更衣室，途中見到有唔同制服既技師，是短裙+t-shirt，唔通呢間都係機場？
換衫後走人，埋單 $50 + $5 locker仔
環境：6分 (雖然按摩只係響張2呎乘6呎既床上面，但係技師無空間走位，搞到另一半身按得無咁好)
手勢：5分 (這個技術手勢真係要磨練一下)
價錢：9分 (2個鐘50蚊想點？仲要唔駛比小費)
技師樣貌：8分 (只係見到3個，但係3個都ok)
一心諗住舒服下，點知技師手勢麻麻，無骨運。之後去左食野同行街，再去邪場邪一邪佢！待續
掂呀
喱Ｄ報告咪叫有"乞"囉 :heart: 一正一邪都寫得非常正:good2: :good2: 加你20分
[
本帖最後由 kkbbq 於 2008-5-7 06:40 編輯 ]
