再去深圳按摩，又記得以前羅拔兄講過白花油呢個場，一於去試下先。
初入去，個女仔就直接帶我入房，下，乜唔係應該沖個涼換件衫先咩，問佢有冇沖涼，佢話有，仲反問我做乜要沖涼
h:" /> 之後佢帶我去個 toilet，入到去，無人招乎，同平時d 洗手間無乜分別，都係放下水算數，唔沖！出去洗手間，經過大廳，好多c9同阿叔，好嘈！見到頭先條女，同佢示意話入房，佢帶我去走廊第一間，十分開揚，唔多鍾意，話要換房，佢話中式房係咁喎，我唔理，自己揀房，揀左間泰式的，張床夠大，好訓d。
我本身個人好怕凍，平時入到d 房都會叫個人來關細少少冷氣，但係呢間房只可以用個焗字來形容
。
等左一陣，技師到，個子不高，中女一個，一入來就話自己係正宗按摩，唔似其他地方咁有邪野玩，我都係諗住按正骨o者。按左兩下，覺得好唔舒服，仲係著牛仔褲+自己衫，問佢有冇衫換，佢話有，之後先拎來比我換，換左按時舒服好多。估唔到佢人仔細細，鬼咁好力，平時好受力的我，都要不停叫佢細力d，都唔知自己係咪去錯指壓中心，下下用佢既大力金鋼指係咁捽落黎，非常攞命，我知佢係識按，因為真係按岩d 位，但係都唔駛咁鬼大力掛。佢仲話自己今日唔舒服，手軟腳軟無乜力，佢話自己既功力好強大，去過一間骨場做過一年，個個骨友都非常受力，所以現在練到一身好功力！我心諗，佢手軟腳軟都咁堅，精神爽利仲得了！
全程60蚊120分鐘唔駛 tips，好氣好力無渣流攤，但係我唔係練過金鐘罩或鐵布衫，唔係太頂得住佢既大力金鋼指。整體來說，無得沖涼唔多習慣，環境有點嘈，原本想去洗埋腳，因為見大堂好嘈，都係唔洗，走人算數！
多謝正骨報告 加15分
[
本帖最後由 kkbbq 於 2008-7-18 04:54 編輯 ]
