腸仔文

近期有多個新盤發售，又九成半按揭，入場費數百萬元，令到二手樓無人問津。有多名地產代理不約而同表示，現時二手樓連問都無人問，「業主想搵個客減價都冇」，市況之淡靜樓市新冰河時期。

本月已差不多過了半個月，全港10大屋苑只約40宗買賣，當中紅磡黃埔花園仍未開單。一名入行逾20年的區內地產代理直言，屋苑有逾萬伙單位，「成半個月一單買賣都冇，真係入行廿年都未見過」。屋苑沒成交，除了新盤搶客外，業主不肯減價樓價高企是一大原因。屋苑上月平均實用呎價14,029元，一個最細約380方呎單位，最平入場費都要接近「六球」【on9】。

由於交投越趨慘淡，部份業主開始知驚肯減價賣樓，但奈何「好多客去晒一手，搵個客睇樓都冇，業主想減價都冇用。」另一名代理亦指，近期不少一手樓售價平過二手，「業主仲係睇好係好戇居，遲早都要減價」，相信如果二手樓繼續沒有成交持續，樓價遲早要跌。黃埔花園上月同期也有3宗買賣，全月僅6宗，創今年新低，本月隨時再創新低。