呢間野我前幾年去過, 因以前成日要等房, 環境亦唔係太乾淨, 所以就一直無再去...
知佢近來擴大左, 又豪裝過, 係香港又賣行晒廣告, 咁昨日同女友上去試下啦, 一出
lift,
好聽d講就好似好金碧輝煌, 難聽d講就好鬼俗...
取匙入去沖涼, 浴室幾好, 夠乾淨, 沖完涼入大廳, 大廳都幾大, 同女友坐低左, 叫左
杯野飲, 跟住就黎料......一個A侍應走來, 問我女友試唔試下SPA, 我女友話唔使, 跟
住冇耐, 有個B侍應過來又問我女友,
試唔試下香薰推油, 我女友只想做中式, 所以又同佢講唔使喇唔該, 跟住冇耐, 有個C
侍應走過來問,
試唔試下修腳皮, 我女友亦都話唔使.......如是者大大話話一共5,6個走埋黎sell, 好
鬼煩.......
好了, 搵左個技師按腳, 按完腳照樣簽小費, 我慣常比拾雞, 佢木無表情, 一聲不響轉
頭就走左...
我都無咩野, 亦都唔係太介意
之後入房, 揀按中式, 2個女技師入左黎, 都幾nice, 按骨途中都有傾兩句, 手勢亦唔
錯, 夠力, 無偷雞...
好了, 按完, 我和女友都覺得幾好, 技師遞上小費簿, 有三個格, 分別為20, 30, 50,
咁我同女友分別都簽左廿蚊小費, (一般去細場, 我都係簽拾雞算), 點知我女友既技
師望完個小費段, 多謝冇聲就轉頭一支箭咁出左門口, 頗不禮貌.....
而我亦問下我個技師咩No. , 諗住佢dup得幾好, 下次來mark番佢, 點知佢望完我簽既
小費後, 又係多謝冇聲咁一面轉身快步出門口, 一面講 "唔使喇, 好累喇, 我辭工架
喇"....咁走左去......
我feel到佢唔係想辭工lor, 而係嫌我小費少, 唔想我再mark佢嗟
埋單每人158, 計落貼士都去左$35 (5蚊locker仔)
咁既價錢, 咁既態度! 你地話值唔值喇,
都好, 又多間比我blacklist, 唔使煩!
以後都係去番d cheap cheap蚊型場算
但係, 其實廿蚊貼士係咪真係好少呢?
