夜鬼

轉貼另一則見聞

聖淘沙冷清清 見間野新開張冇耐，上星期一個中午去試下新店。

沖涼間好似係得八格，無簾無門，十分簡約。去到休息大堂，裝修OK，但水靜河飛。

先來個按腳，係送的。個囡囡話有張面值135蚊的代用券，可以100蚊賣畀我，見有著數，幫佢買，即係變相有扣頭，唔錯。問佢有冇技師介紹，佢話公司唔俾私自介紹，否則要罰錢，不過佢後來都靜雞雞塞張技師咭片畀我。

上房按日式，叫咗咭片上的技師。青春少艾，得十七歲，手勢唔錯，冇偷懶。傾落佢話成朝（已經下午一點）佢係第一個上鐘的技師，生意真係差成咁？！佢仲話生意唔夠，暫時要靠積蓄頂住生計。落鐘前，佢再三要求我唔好向佢公司的人透露係按腳妹私下介紹，否則佢兩個都有麻。唉，真係搵食艱難。