出門在外，有人認為識多個朋友多個照應，但也有人覺得朋友貴精不貴多。最近1名移民英國的女子在網上發文，表示自己於英國生活約3個月，便已體會到「有一種人係一定唔可以黐埋去，就係香港人」，批評他們表面上很熱情和健談，但實際上只是「扮friend」，希望打探哪邊有小便宜，「實情係想查你家宅睇吓有咩着數可以黐」。不少同樣移居外地的網民紛紛留言，有人認同樓主所言，「英國香港人超勢利眼，我老母帶人上屋企整腸粉，啲人已經查家宅咁」，惟也有部份人稱不能一竹篙打一船人，「其實我都係口水佬，但我真心只係想識朋友only」。
該名女子在社交平台Threads發文，表示自己從香港移民英國，並生活了3個月，發現不少移英港人是「我喺香港都未見過�H人種」，喜歡裝好朋友聊天。樓主形容該些港人為「人見人憎口水佬」，完全不想與他們有任何交集，批評對方表面上看似很熱情地請客飲飲食食，「實情係想查你家宅睇吓有咩着數可以黐」，另有居心。
樓主續指，自己本身不太喜歡交新朋友，因此面對「懶熱情」的人難免感到不自在，「啱傾傾多幾句，傾完就散，呢啲叫距離的美，偏偏就有人係夾硬要你做friend」。她稱曾經免為其難地應邀到訪一港人的家中，事後對方「厚面皮成日問幾時嚟我哋屋企參觀」，樓主在帖文坦言「我唔係地產隨便開門畀人睇樓，點解某啲X街自己鍾意揭晒啲嘢畀人知，會suppose人哋都要咁做呢？欠X咗佢的嗎？」。
帖文引來大批網民討論，其中有不少同樣是移英港人的留言，表示「珍（真），所以完全唔想群任何人，亦唔想識任何朋友，一識咗就好似強迫經營咁，反而啲唔主動識到�H人就正正常常」、「香港人最鍾意搞返自己人，仲要情緒勒索你」、「我嚟咗3年幾，妳講得啱，香港人係好X街，我自己係香港人我都情願話埋自己。攀比、比較，你仔讀咩學校？你間屋semi定detach？幾多間房？你揸咩車？大佬，山長水遠過到嚟唔好帶埋香港果套過嚟啦」。
然而，有部份人就指「他鄉遇故知」，在外地遇到同鄉，自然會想結識一下，留言慨嘆「覺得是妳的問題多一點， 人家熱情一點也不用叫人『X街』吧！」、「我認同妳，香港人好麻煩，把口好多時仲唔收，不過咁，大家嚟到無人無物，想八卦多啲各位新朋友，唔出奇�H其實，合則去不合則去，好閒啫」。
https://www.hk01.com/article/1039436?utm_source=01articlecopy&utm_medium=referral
