網上不時見到已移民的港人分享兩地在生活習慣等方面的分別。近日就有移英港人在網上發文，提到英國人午餐吃「3 pound meal deal」的文化，並詢問是否英國獨有文化，隨即引起熱議。
該名移英港人在連登討論區以「英國人Lunch食「3 pound meal deal」文化」為題發文，詢問「一份三文治加包細薯片加罐野（嘢）飲做Lunch，係咪英國獨有文化？」樓主又問到在歐陸、美加、澳紐會否有一樣的情況，並指該些食物是垃圾食物，而且高脂高糖，直斥「劣食過兩餸飯」。樓主又指，聽說在英國，不論是男女老幼、白領藍領、學生都會吃這些當午餐，但指如果自己365日亦要吃薯片及飲樽裝飲品，「烚蛋飲奶無咁嬲」，並質疑「點解唔自己整帶返公司食，三文治有幾難整呢？」
帖文隨即引起網民熱議，有人直言「長期食，糖尿易」、「又肥又盛，日日食會死」等。另有人則解釋指，「英國人食晏係非常求其」、「因為返工通常得30min（分鐘）」、「因為英國一般打工仔食飯時間比較短 一般都係得半個鐘，假設你去餐廳，行要5分鐘，番（返）去要5分鐘，坐落埋位落單5分鐘，當整得再快都唔夠時間你食，所以一般都係求奇買啲野（嘢）食就算，同埋3 POUND MEAL DEAL 宜家多元化咗好多，唔止三文治，有啲意粉/ 壽司小卷/ SNAKE 果啲，除咗薯片有沙律等，又平又快又方便」。另外，有人則分享指，「薯片可以揀生果盒」、「可以揀三文治沙律/墨西哥捲餅/Poke+薯片/生果/烚蛋都見過 +汽水/能量飲品/咖啡」、「夜晚買定第二朝平啲…£0.83 only」、「通常Snack揀生果，飲品揀啡，不過飲品選擇太少」等。
https://hd.stheadline.com/news/realtime/hk/2381780/%E5%8D%B3%E6%99%82-%E6%B8%AF%E8%81%9E-Juicy%E5%8F%AE-%E7%A7%BB%E8%8B%B1%E6%B8%AF%E4%BA%BA%E6%89%B93%E9%8E%8A-%E8%8B%B1%E5%9C%8B%E7%89%88%E5%85%A9%E9%A4%B8%E9%A3%AF-%E9%AB%98%E8%84%82%E9%AB%98%E7%B3%96-%E5%8A%A3%E9%A3%9F%E9%81%8E%E5%85%A9%E9%A4%B8%E9%A3%AF
