網議政事：滿口「寧玉碎」 遇事「作瓦全」
「本民前」偉哥仰（黃臺仰）噚日被爆懷疑棄保潛逃，上月原定要返大埔警署報到，及向法庭交出旅遊證件，但統統都冇蒲頭，高等法院法官發出拘捕令，偉哥仰正式被通緝。一眾網民都睇唔過眼偉哥仰「見人衝，自己鬆」，鬧爆佢「勇武」變「著草」，口裡說「寧為玉碎」，身體就很誠實地「寧為瓦全」；一方面講「公民抗命」，一方面「公民逃命」咁話。向來睇「本民前」唔順眼�H「熱狗」（「熱血公民」）得知消息後亦大肆抽水，叫佢「去咗就唔好返」咁話。
之前好型 做乜走佬﹖
偉哥仰不時呼籲年輕人走在「抗爭」最前線，又話要革命又話要流血。香港文匯報昨日踢爆佢涉嫌棄保潛逃，消息一出，大家即刻議論紛紛。網民「Chen Rose」就揶揄佢：「唉呀之前好型㗎，做乜走佬呀？」「Sing Chan」亦話：「無壞�H，證明到係玩『獨立』，搞笑就真，望牢已懼！」
「Edith Ho」就補刀表示：「寧為玉碎不作瓦全去咗邊？『 無畏無懼』又去左（咗）邊？哈，佢走人了！！」「Po Tai」就將佢哋�H「金句」改成：「寧為玉碎，不如棄保！」
又要威 又要戴頭盔
民建聯東區支部�Hfacebook亦轉載了香港文匯報的報道，笑偉哥仰「又要威，又要戴頭盔」，批評佢：「成日口講公民抗命，無畏無懼，但倒（到）頭來又唔敢承擔法律責任......一有事就著草、一係就鬧政治打壓、再唔係就搞大型集會圍堵法院企圖幹預司法。」
「熱狗」「國師」紛抽水
曾經有偈傾、後尾因為選舉反曬面�H「熱狗」都即刻出嚟抽水，「熱狗」前頭目黃洋達個老婆殘獸胃（陳秀慧）亦喺facebook出飛機文︰「不嬲都話『獨派』青年係緊隨『國師』（『城邦派』陳雲根）架（㗎）啦，雖然你地（哋）唔認，但無曬辦法就自然諗起『國師』既（�H）主張。」事關「國師」傻根就主張出國躲避，尋求外國政治庇護。
傻根平時唔關佢事都認屎認屁，今次當然又要出嚟威嚇啦，喺fb出文話︰「秀慧說得對，即使是陳雲haters（憎恨者），在危難的時候，也是忠實地跟隨陳雲的主張。」殘獸胃就加多句：「法庭不止一次批準佢地（哋）出國，真係唔知原來要成十幾萬保釋金既（�H）疑犯，香港法庭會咁寬鬆！」
殘獸胃又叫偉哥仰「去咗就唔好返黎（嚟）」，仲踩多腳話：「堅係實踐著（著）草走佬都係一種才能。」「Sam Wong」就留言話：「『英雄』走佬隔住隻Mon，攬住條女叫大家唔好放棄，諗起都熱血沸騰。」
《熱時》前總編輯何偉健「Edward Ho」就話：「其實長住外國咪幾好，睇佢地（哋）呢一兩年不事生產都活得肥肥白白，下半世都應該生活無憂。」點解個個都叫佢走？梗係啦，「本民前」支柱都走埋，「熱狗」作為既得利益者就最開心，難怪食花生食到出面。
