桑拿街論壇 - Powered by Discuz! Board

標題: 中國最真最多 [打印本頁]

作者: Cheong2010 時間: 2009-5-10 00:50 標題: 中國最真最多

今日2009-05-09下午4點幾，一個人去東門買嘢，係一間影音舖外見到一個穿黄色衫褲嘅男人，話D碟人仔五蚊，於是由佢帶住去咗一條無咁旺嘅橫街，揀咗五隻，等咗幾分鐘，有一個穿黑衫褲嘅男人攞住5隻碟出現，ニ人帶我行去一個停車場入口，我咪比咗一張貳拾蚊人仔同五個壹蚊，呢個時候，ニ個人不約異同話張紙幣有爛，要換嗰張，話比唔到其他顧客，我咪係銀包換過2張拾蚊紙，佢地又話有爛，我初時話唔買，佢地就話比壹佰蚊紙找，我無留意，咪換張壹佰蚊比佢地，佢地又話張紙幣有爛，要求再換，如是且換咗4-5次，期間又比咗5張貳拾蚊紙幣我話換一張人仔壹佰蚊，呢個時候我知遇上中國最「真」之騙子，於是袋好銀包，立即發難，捉住黑衫人，要佢即刻嘔番D人仔比我，並大聲話揾恭on，引來超過100人圍觀，黑衫人唯有嘔番4張人仔壹佰蚊比我，跟住叫我比番5張港幣貳拾蚊同4張假人仔佢，我啋佢都傻，跟往有架恭on車出現，二個人即刻轉身走，我就好漢不吃眼前虧，費事追佢地，截往架恭on車，話比恭on知，並要求恭on載我走，個恭on好人，載我去到恭on局門口放低我。
晚上8點幾，我係羅湖地鐵站行去羅湖口岸準備返香港，搭自動電梯時，前面有個女人，右手拖住個喼，左膊孭住個袋，係佢後面企個黑衫黑褲嘅男子，我就企係個男人後面，見到個男人隻右手伸前，想係個女人個袋度偷嘢，我心諗我又遇上中國最「多」嘅賊，於是立即扮咳，個男人即刻縮手，女人就無感覺，上到電梯頂，個男人就即刻搭自動電梯返落地鐵站，係我後面有個穿白色外套嘅男人，貌似好人，就話深圳好多賊，跟往扮淡定轉身行去羅湖市中心方向，我心諗你都好似睇水仔啫。
估唔到一日之內，我遇到最真同最多，都無話可說。
損失：一張人仔壹佰蚊

5個人仔壹蚊
得到：5張港幣貳拾蚊

5張睇得到嘅DVD

5張假嘅人仔壹佰蚊(事後發現銀包重有1張)
總結：深圳東門多咗二個儍瓜騙子

作者: 暗黑騎士 時間: 2009-5-23 03:31

兄弟如果俾人點左相, 以後出入以上地方要好小心先得啦.....

作者: waaaah 時間: 2009-6-13 00:42

師兄好嘢。

歡迎光臨桑拿街論壇 (http://sauna-88.com/forum/)