桑拿街論壇 - Powered by Discuz! Board

標題: 深水灣休閒中心(轉貼) [打印本頁]

作者: bigbenson 時間: 2007-10-2 10:18 標題: 深水灣休閒中心(轉貼)

各位兄弟 , 大家如果去依度要自己小心 d

話說上星期日我同我朋友上左深圳玩. 大約3點幾飲完酒後大家分頭去搵地方訓. 我就去左深水灣, 因我朋友話有骰仔玩. 開頭入到去都覺得 ok 啦. 沖完涼換完衫 , 個叫光仔 ge 主任就帶我去遠 d ge room, 佢話靜d. 當時覺得冇野,現家先知咩事. 接住同平常一樣叫技師, 號碼係2 號仔. 佢推油手法真係勁.去過咁多地方, 感覺上佢手法最正.但要同大家講ge唔係依樣野,係之後發生 ge 事. 推完油落鐘後我就訓啦, 訓之前我好肯定我鎖左門. 跟著我將銀包同電話放係枕頭邊面向牆 , 自己都側身面向牆訓. 點知訓到7點幾時,我隻手掃一掃枕頭,銀包電話冇曬, 我銀包入面仲有成3千幾蚊人民幣. 我即時走出去搵人. 點知度門冇鎖,一開就開到.我就同個主任講 , 跟住佢話冇可能, 之後一齊入去搵. 我地兩個人都搵唔到.咁佢就話應該係隔離個人偷. 我就話報公安, 佢又係度話唔駛報之類ge野.話有監控可以睇到有冇人入我間 room. 跟住我睇 ge 時候 , 發覺係差唔多間間都睇到 , 就係岩岩睇唔到我個邊. 咁我決定報警. 剛剛好個早班同佢換班, 佢聽完之後都讚成報警. 咁之後我就等到我朋友黎救命後, 去左南湖派出所報案. 我去派出所前問過早班個經理, 佢就話我之後可以繼續返去睇監控. 當我辦好所有事後就再返去睇, 當時佢態度已經唔同曬,好唔耐煩咁. 結果我只係睇左一陣就俾佢用半趕ge 方法要我走. 當晚我返到香港之後, 我立即發左個短訊俾夜班個主任,同佢講我銀包同電話好重要. 希望佢可以幫我搵返, 入面仲有冇錢唔重要.如果搵得返我可以出一千蚊做報酬. 點知過左一日佢就打俾我話搵返個銀包, 係樓下個垃圾桶裡. 我當時已經知咩事了, 因為當日我落左樓後, 成條街所有垃圾桶我都搵過 , 係冇 ge . 好彩咁岩我朋友係大陸, 我即係打俾佢叫佢幫我拿返先. 跟住佢返黎之後, 我問佢知唔知係邊度搵得返,佢答我話帶佢入去沖涼個條友話係room 入面搵到. 咁我地完全知道咩事了. 好明顯帶沖涼個條友同個主任一齊 " 做" 我. 我就報左公安 ga la , 各位師兄, 我遲d 攪掂張回鄉卡我就上去做個埸ga la ...... 希望各位小心了 !!!

作者: peter99w 時間: 2007-10-2 10:33

提示: 作者被禁止或刪除內容自動屏蔽

作者: 曼聯球迷 時間: 2007-10-2 11:05

多謝師兄報告，聽落都好得人驚，錢不是問題，最怕是證件！

作者: pantsu 時間: 2007-10-2 15:38

引用:

Originally posted by itskt at 2007-10-2 11:42:
疑點一: 明知事主喺房度, 入房偷風險極高, 值唔值博? 而且點知佢銀包裏面有幾多錢, 如果只得三幾百, 咁咪好唔抵.
疑點二: 冇咗証件, 點可以即晚番到香港.
疑點三: 明知已報公安, 點會為一千蚊去&# ...

師兄, 算啦, 話明係轉貼, 呢 D 又唔係咩野好料報告, 咪當睇每日新聞囉 !!