標題:
天氣熱成導火線遭丈夫怒吼 移英港妻引爆家庭大戰離家出走！裝部冷氣會死？
[打印本頁]
作者:
nokin
時間:
2026-6-17 01:42
標題:
天氣熱成導火線遭丈夫怒吼 移英港妻引爆家庭大戰離家出走！裝部冷氣會死？
滿懷期待移民英國，迎接的卻可能是無盡的家務與夫妻間的怨氣？近日，有移英港妻在社交平台以「突發！在英伴侶唔易做」為題發文，大呻移英後淪為全職家庭主婦，生活枯燥之餘，日前更僅因「天氣太熱」而引爆家庭大戰，最終被迫離家出走。帖文隨即引來大批網民熱議，不少人直言移英港人離婚率高事出有因，更有人狠批：「裝部冷氣幾大件事？點解年年要死捱爛捱？」
該名移英人妻在Threads發文大吐苦水，指日前英國天氣酷熱，未料高溫竟成為丈夫發脾氣的導火線。樓主透露，當時自己正在廚房為降暑準備港式檸檬茶，詎料丈夫突然情緒失控，對她大吼道：「咁熱你仲煲嘢？？？」人妻不甘示弱，當場反駁：「熱就唔使食嘢㗎？不如直接吊鹽水算啦？！」樓主無奈表示，當時正值子女的期中假期（Mid-term break），家中本已十分吵鬧，加上丈夫莫名其妙的亂發脾氣，在雙重夾擊下，她最終選擇離家出走。
樓主不禁心酸發問：「呢度係咪得我咁L慘？」她更直言，有時真的十分懷念以前在港的日子，「唔使成日困喺屋企，返工返到夜�H生活」。
帖文隨即掀起網上熱議，不少網民對於樓主不裝冷氣的行為表示不解，揶揄：「其實買部冷氣機係咪咁大件事？點解年年死捱爛捱？」、「裝返部冷氣啦」。更有網民直言這類生活摩擦是移民婚姻的常態：「移英港人所以好多都離婚」。
有感同身受的移英港妻們紛紛留言：「真心燥！條友返咗工，屋企咩都唔知，淨係識send message（短訊）叫我做呢樣做嗰樣。我都好懷念嗰陣喺香港返工�H日子！」、「咁啱�H，我屋企嗰位剛剛都發脾氣」、「正常啲local 都係熱到乜都唔做。歐洲生活係咁x樣，盡量搵藉口俾自己hea」、「你又要明白，女人移英國後，少咗好多機會約人，成日只係對住老公小朋友。我同老公做文職，收入ok�H，唔使供樓，生活好過好多人。但我都會成日無啦啦發脾氣，英國無friend，又無屋企人，間屋又亂，叫嗰兩隻嘢做家務永遠只做一半，好難忍住唔發脾氣喎」。
https://www.dotdotnews.com/a/202606/16/AP6a30f530e4b09ea23318967b.html
歡迎光臨 桑拿街論壇 (http://sauna-88.com/forum/)
Powered by Discuz! 6.0.0
