標題:
前何太承認誤以為何伯身家過百億 狂數對方不是：貪佢老咩！
[打印本頁]
作者:
adions
時間:
2026-2-12 22:43
標題:
前何太承認誤以為何伯身家過百億 狂數對方不是：貪佢老咩！
何伯（何煊）與前何太葉秀定於2024年TVB節目《東張西望》申訴何伯細女奪走自己450萬積蓄，因戀情不惜與5名子女反目成仇，何氏夫婦因而迅速成為網路紅人。同年，何太疑因離家出走與何伯發生糾紛，最終被告受傷及被拘捕，何伯則表示離婚；目前雙方官司仍在進行中，下次開庭暫定3月17日。日前，前何太高調現身網紅訪問，大爆當年與何伯戀情內幕，狂數何伯不是，一連炮轟�H言論金句連連，態度強硬又帶刺：「佢咁大年紀，我真係、我貪佢咩呀？貪佢老咩？」
喺訪問中，前何太冷笑連連，直言覺得何伯自以為有錢：「以前呀，香港好多人都搵大錢㗎，香港地以前好好易搵錢㗎，九幾年嗰時呀，所以你話佢（何伯）早20幾年退休？點會咁樣浪費時間、浪費青春呀？三、五百萬都未夠自己養老？分分鐘自己身體有癌症，醫幾千萬容乜易呀！」語氣滿是不屑，與昔日甜蜜形象判若兩人。
更驚人�H係，前何太竟公開承認，最初接受追求只係誤以為對方「身家過百億」，希望從中獲得創業資金：「我諗住佢幫到我創業，我先至接受佢㗎咋！」前何太堅稱自己雖然窮但正直，不屑貪錢：「你幫到我就嚟，幫唔到我咪走開囉。」更否認曾被450萬吸引，聲稱見到嗰張定期紙都唔鍾意：「我見到佢四百五十萬，我係撇開一邊㗎喎，佢話攞一半嚟，佢話搬嘢過我度㗎嘛，佢講到係佢一半身家喎，我睇到佢嗰張四百五十萬定期紙，我真係唔鍾意呀。」節目播出後，網民反應熱烈，一面倒嘲諷前何太荒謬至極，又有人留言諷刺：「話人地打本比佢做生意，冇錢學咩野人哋做生意啫，根本就冇呢個本事，出自佢把口全都係歪理」、「有百億行街市會撞到你咩？」、「如果過百億！行街市會識到你？」等等，亦有網民冷笑：「話人哋打本比佢做生意，自己有冇本事先？」、「成件事根本就係一場金錢遊戲！」等等。唔少人更批評前何太終於露出真面目，證明當年的「真愛說」只係自欺欺人：「貪錢貪到上腦」、「死性難改」、「連自己都呃埋自己」等等。
https://hk.news.yahoo.com/%E5%89%8D%E4%BD%95%E5%A4%AA%E6%89%BF%E8%AA%8D%E8%AA%A4%E4%BB%A5%E7%82%BA%E4%BD%95%E4%BC%AF%E8%BA%AB%E5%AE%B6%E9%81%8E%E7%99%BE%E5%84%84-%E7%8B%82%E6%95%B8%E5%B0%8D%E6%96%B9%E4%B8%8D%E6%98%AF%EF%BC%9A%E8%B2%AA%E4%BD%A2%E8%80%81%E5%92%A9%EF%BC%9F-020926698.html
歡迎光臨 桑拿街論壇 (http://sauna-88.com/forum/)
Powered by Discuz! 6.0.0
