桑拿街論壇 - Powered by Discuz! Board

標題: 食客怒斥酒樓團年飯套餐七個餸 $1288團年餐被指「食七」 [打印本頁]

作者: adions 時間: 2026-2-10 13:15 標題: 食客怒斥酒樓團年飯套餐七個餸 $1288團年餐被指「食七」

農曆新年將至，不少家庭都會預訂酒樓團年飯，寓意一家人齊齊整整、好意頭。不過近日就有食客因為「七個餸」問題而大感不滿，在網上發文怒斥酒樓安排失禮，隨即引爆網民熱議，更掀起一場關於「食七」與傳統圍菜規矩的討論。

$1288團年餐被指「食七」？

有食客於Facebook群組「香港酒樓關注組」發帖怒斥：「團年飯套餐七個餸，即係咩玩法！！！」樓主上載的單據顯示，該酒樓團年新春C餐定價$1288，菜式包括燒味拼盆、燒雞半隻、上湯蝦球伊麵、糯米飯、翡翠炒帶子、清蒸東星仔，以及蠔王花菇蠔豉。帖文一出即引來大量留言，不少網民指出樓主其實誤會了傳統圍菜計法：「共六味餸，糯米飯不計，你第一次食圍菜呀？」、「糯米飯同甜品、糖水、水果一樣只屬單尾，根本唔會當一餸。」。亦有人直言，如果介意「食七」，大可在落單時自行加餸：「點解唔嗌多個餸或者散叫？」、「如果介意，可以自己加一個菜，或者唔食套餐」。

網民：加一味「美點雙輝」就解決問題

不過，亦有另一派網民認為，雖然行內慣例糯米飯不計作一餸，但酒樓作為專業經營者，其實可以避免爭議：「中式酒樓最忌單數，寫多個甜品、前菜真係唔難」、「其實酒樓加一味『美點雙輝』就解決問題」。亦有人嘗試平息風波，指一家人開開心心食團年飯重點在於氣氛而非數字：「數字從來都只係數字，唔會理。」、「做乜搞到自己吾（唔）開心，比八碟你，食完真係會發咩。」。一餐團年飯，原意是團圓與祝福，究竟應該嚴守傳統「好意頭」，還是放鬆心情食得開心？或者正如網民所講，一味小點，少少心思，已足以化解所有不快。

https://hk.news.yahoo.com/%E9%85%92%E6%A8%93-%E5%9C%98%E5%B9%B4%E9%A3%AF-%E9%A3%9F%E4%B8%83-%E7%BE%8E%E9%BB%9E%E9%9B%99%E8%BC%9D-%E7%86%B1%E8%A9%B1-003408450.html

歡迎光臨桑拿街論壇 (http://sauna-88.com/forum/)