標題:
港鐵女車廂「翹住條柱」獨霸扶手 乘客求讓位這樣說 網民斥自私
[打印本頁]
作者:
小小摩西
時間:
2025-7-27 02:30
標題:
港鐵女車廂「翹住條柱」獨霸扶手 乘客求讓位這樣說 網民斥自私
港鐵每節車廂均設有扶手，原意是讓乘客扶着以免跌倒。惟有女網民日前遇到1名女子，乘車期間不但用右手翹着扶手，右腳亦蹺着扶手底部位置，1人獨霸全條扶手，她有禮請求對方「唔該借借」卻獲極度無禮的回覆，不滿對方太自私遂貼圖公審。
有網民批評該女子缺德兼無品，「條柱唔係攞嚟挨，係扶㗎」、「大聲講佢知呢條係扶手，唔係俾佢抱住�H攬枕」，又建議各種反擊大法，務求令對方尷尬繼而收斂。
該女乘客在threads帳號上傳照片，顯示她當時搭乘港鐵，相中1名身穿黑色上衣的長髮女子以右手翹着扶手，專注使用電話，其右腳亦蹺着扶手底部位置，整條扶手完全被她1人獨佔，其他乘客根本「無從入手」。樓主見狀遂輕聲向女子表示：「唔該借借」，本來以為對方會馬上鬆手，詎料她竟理直氣壯稱：「我做緊嘢啊！邊有阻到你？」、「你咪揀過第二條扶（手）囉！」
港鐵女繁忙時間「翹住扶手」 懶理乘客求讓位
樓主指當時正值繁忙時段，加上同一車廂充斥不少「柱男柱女」，幸好最後有空位可以就座，又形容女子不斷用電話打字，疑似正在處理公事回覆短訊，但就不滿對方自私「霸柱」行為，遂貼圖公審。
網民狠斥無品：柱女真係無敵
許多網民紛紛斥責相中女子行為「無品」，「黐線，仲要蹺埋腳」、「呢種人真係幾討厭，喺地鐵見好多」、「條柱唔係攞嚟挨，係扶㗎，而且又唔係寫佢名，唔扶得呀？」、「大聲講佢知呢條係扶手，唔係俾佢抱住�H攬枕」，又揶揄「柱女真係無敵」、「港鐵幾時加埋獨立柱位�H收費？」
各種反擊大法逐個睇
有留言覺得樓主應該即時反擊，令對方尷尬而有所收斂，「咁要大聲啲：『小姐，麻煩你企返好啲』」、「揭開（衫）袖，舉高個胳肋底畀佢」、「連埋佢啲頭髮揸落扶手啦」、「使乜借借，照揸落條柱度，佢縮就縮，唔縮就照扶」、「我家下唔會問㗎，中間（有）位就插手去扶，如果係男人就煩啲」。
https://www.hk01.com/article/60257717?utm_source=01articlecopy&utm_medium=referral
歡迎光臨 桑拿街論壇 (http://sauna-88.com/forum/)
Powered by Discuz! 6.0.0
