該名移英港媽於去年5月初到曼城，選在M18 Gorton落腳，皆因當時懷有身孕，資金上限，便在當地租了一間比較新淨裝修的屋。她憶述，去年12月，當小孩4個月大時，曾於中午時份用揹帶帶小孩到附近公園King George V Park散步，大概5分鐘的路程。豈料，「離開公園時，突然有架私家車直衝埋嚟，4個人落車用槍指住我同BB大叫 ！『「Don’t move!! Get out of the car!』」，當時她十分害怕，只好邊跑離現場，邊回頭看過究竟。
禍不單行的是，今年2月，當時家中只有港媽同小孩，她憶述「有人敲門問可唔可以幫手收隔離屋�H包裹，因為無人收」，因為之前都試過幫忙，所以她便答允。然而，「個男人叫我去佢㗎車到攞，我出咗門口覺得奇怪，點解係Uber呢，問佢係唔係好大個包裹要我去幫佢搬，點知佢同車上�H人講 『She is a Chinese lady, she looks nice.』」港媽即時心中警鈴大響，「我驚到即刻返入屋鎖門」，但對方卻未有離開，大約15分鐘才駛走。港媽後來更發現隔離屋有人在屋內。
