桑拿街論壇 - Powered by Discuz! Board

標題: 喃嘸師傅移英搵食登廣告　掀同路人網上罵戰 [打印本頁]

作者: Eric.So 時間: 2024-7-8 15:00 標題: 喃嘸師傅移英搵食登廣告　掀同路人網上罵戰

「喃嘸師傅」可謂既陌生又神秘的行業，甚至流傳收入甚高的說法。近日某移英谷就有一個香港喃嘸師傅的廣告，指可在英國提供紅白二事、打齋、中式殯儀等服務，隨即引發兩極反應，有人譏諷「哇，咁都搵到食，香港人呃香港人」，不過亦有人認為「明買明賣都可以話呃，香港人踩香港人就真，又唔見香港人話牧師呃錢？」。

該則喃嘸師傅的廣告一出，旋即掀起同路人網上罵戰，有持反對聲音的人指，「呢度英國呀！大佬！咪搬埋呢啲嚟啦？」、「哇，咁都搵到食，香港人呃香港人」、「由上世紀七十年代已經有唔少港人旅居英國，但咁多年喃嘸師傅都未能在英國落地生根，可想而知呢度有無市場！」。

另有持不同意見的人隨即反擊，指「殯儀業從業員有咩問題？」、「你去一個多元社會，有印度教／回教葬禮，你唔話人地呃Ｘ你」、「明買明賣都可以話呃，香港人踩香港人就真，又唔見香港人話牧師呃錢？」、「各有宗教信仰，各有各需求，佢做得唔好自然會被市場淘汰，唔需要講到人呃神騙鬼，難到呢度有人見過耶穌？」。

https://www.dotdotnews.com/a/202406/25/AP667a57e0e4b096780aa8e512.html

歡迎光臨桑拿街論壇 (http://sauna-88.com/forum/)