Board logo

標題: 母親離世難獨力供樓4.5萬 月入25K擬蝕讓換樓 買350萬盤小心上不到會 [打印本頁]

作者: 樂樂    時間: 2024-5-21 01:54     標題: 母親離世難獨力供樓4.5萬 月入25K擬蝕讓換樓 買350萬盤小心上不到會



業主成功上車後,供樓也是另一種負擔。不少人會跟伴侶或家人共同承擔供款,以減低供樓壓力;不過,最近有一位月入2.5萬元的網民表示,母親不幸因病離世後,無法負擔二人早年買入同住單位的每月4.5萬元供款,心灰意冷下計劃蝕賣放盤,並發帖問網友「月入25K係咪唔駛諗買樓?」。

樓價下跌 賣樓需蝕幾十萬

帖文指出,「同媽媽兩個人住緊個兩房單位,之前係媽媽一個人供而家住緊層樓,佢cancer走咗之後剩番呢層未供完�H樓畀我,但我自己收入得25K負擔唔起個供款額。樓價比買入時跌咗好多,呢個時間放應該要蝕幾十萬,但都冇計。」他補充指,「當年媽咪係向發展商財仔借錢買新樓,頭兩年月供2萬左右,過左頭兩年而家月供係4.5萬。」

帖文又提到,該名網民母親當年打算兩年內轉按或轉售,「但事與願遺,未做到轉按/轉售之前佢人就走咗,呢個月供金額真係keep唔到,媽媽冇保險,遺產唔多,當初媽咪大部份cash都俾晒首期同供咗好多期貴月供。」目前估計因近兩年樓價步入調整期,樓價已較買入價下跌,轉按需抬錢上會,所以該網民無奈硬食貴息。
不想租樓 盼套現換入細樓

此外,他自問不太接受租樓兩年搬一次的生活,所以預計賣樓套現後,加上手上現金,希望可負擔300萬至350萬元單位,但亦有很多考慮,「可能每個月有一半人工要擺落層樓,扣埋日常開支應該都幾難另外再儲到錢,想間中去下旅行都未必得,而且呢個價錢買到�H樓應該,好細 or 好舊 or 好偏僻 or 以上全部,如果想生活質素好返少少,係咪應該放棄買樓,搵啲平租地方嚟住呢?」

大批網民表示同情並提出建議,當中包括「節哀,有無另一伴?人工有無機會再上?我覺得租住先好」、「咁今時今日樓價向下緊,人又無水晶球,咁可能要再三想清想楚先」,以及「依家都供唔起,你賣咗層樓更加供唔起細價盤,你保住呢層樓先」等等。

不過,在樓市回調下,市場上的確仍有不少300至350萬元單位的選擇,以荃灣「上車樂園」荃灣中心為例,上周錄得一宗成交,中原地產丘漢偉表示,1座低層F室,面積354方呎,2房間隔,以292萬元易手,呎價約8,248元。原業主於2010年以135萬元買入單位,持貨14年,升值157萬元。參考放盤網站,屋苑現時仍有十多個叫價350萬元以下單位放售。

另外,外界眼中屬偏遠地區的屯門,3字頭單位可享更闊落空間,其中今個月初,景峰花園5座中層D室錄得成交,面積465方呎,兩房間隔,向北,最終以自由市場價340萬元成交,呎價7,312元。
深水埗半新盤呎數僅200餘呎

上述兩個屋苑均為樓齡較大的單位,如果要市區又要新的話,位於深水埗醫局街的半新盤弦雅,2021年才入伙,有數個350萬元以下的單位放售,不過面積均為約200餘呎的開放式單位,生活空間大大縮細。正如該位網民所說,「呢個價錢買到�H樓應該好細 or 好舊 or 好偏僻。」

最重要的是,以現時息口計算,買入一個350萬元的單位,假設支付一成首期,供30年,每月供款約15,596元,因此將佔該名網民收入(25,000元)一半以上;雖然金管局今年2月已宣佈暫停實施物業按揭貸款假設利率上升200基點的壓力測試要求,但申請人仍需要符合每月供款與入息比率不大於50%的要求,即該位網民可能需繳付更多首期或尋找擔保人,才可成功上會,因此入市前應慎重考慮,並要有完善開支計劃,例如計算每月管理費、水電及每季差餉等雜費,才決定是否入市。


https://std.stheadline.com/realtime/article/1999941/%E5%8D%B3%E6%99%82-%E5%9C%B0%E7%94%A2-%E6%AF%8D%E8%A6%AA%E9%9B%A2%E4%B8%96%E9%9B%A3%E7%8D%A8%E5%8A%9B%E4%BE%9B%E6%A8%934-5%E8%90%AC-%E6%9C%88%E5%85%A525K%E6%93%AC%E8%9D%95%E8%AE%93%E6%8F%9B%E6%A8%93-%E8%B2%B7350%E8%90%AC%E7%9B%A4%E5%B0%8F%E5%BF%83%E4%B8%8A%E4%B8%8D%E5%88%B0%E6%9C%83




歡迎光臨 桑拿街論壇 (http://sauna-88.com/forum/) Powered by Discuz! 6.0.0