桑拿街論壇 - Powered by Discuz! Board

標題: 移英港爸返港藉口多多　妻極怒無處伸冤 [打印本頁]

作者: 阿周 時間: 2023-1-19 21:46 標題: 移英港爸返港藉口多多　妻極怒無處伸冤

不少黃絲早前頭腦發熱，個個一家大細撲住去移民英國，以為是世外桃源，到埗後卻發現不適應新生活，隨時搞到小則家嘈屋閉，大則妻離子散。近日就有移英人妻嬲爆話，老公成日一個飛咗返香港，新年流流，剩低佢和兩個細路孤零零在英國過年，越諗越淒涼咁話。

有網民在港人移民討論區分享女友人嘅辛酸經歷，話說人妻一家去年到英國，老公搵唔番本行，去咗做倉務員，返咗三個月藍領。然而，落地九個月，老公已經第二次飛返香港。第一次係上年9月，話要返香港處理銀行戶口，細路仔返學放學要人湊，又唔想突然請假，就話不如自己一個人飛。點知，佢居然回程時，飛咗去日本玩多一個星期至返英國。估唔到上個月，老公又以父母年紀大，孤零零過年好淒涼，所以又買機票返港，陪老人家過年。不過，老公返港後只顧和朋友吃喝玩樂，早兩日仲去埋澳門㖭。

人妻嬲爆話「一家人在英國第一個農曆新年，有乜理由丟低佢和兩個仔，自己飛返香港？」她還勁呻「一家人嚟咗英國，屋企無咗姐姐，已經做家務湊仔做到無停手，以前有乜唔開心可以返娘家搵幫手，而家乜都要靠自己」，直言「再咁落去，佢就帶埋兩個仔返香港」喎。唉，路係自己揀，衰咗唔好喊囉。

https://www.dotdotnews.com/a/202301/19/AP63c8dc17e4b0adad9d7a5a31.html

圖片附件: 63c8dbb7e4b05e2c130434ac.jpg (2023-1-19 21:46, 142.18 KB) / 該附件被下載次數 69
http://sauna-88.com/forum/attachment.php?aid=207628

歡迎光臨桑拿街論壇 (http://sauna-88.com/forum/)