標題:
禁堂食後市民蹲路邊開餐被公審 外賣員道心酸：為咗生計
[打印本頁]
作者:
我愛雞旦仔
時間:
2020-7-26 23:15
標題:
禁堂食後市民蹲路邊開餐被公審 外賣員道心酸：為咗生計
【星島日報報道】第三波疫情下人人自危，政府頒令食肆晚上6點後不准堂食，亦掀起一股網上公審不戴口罩者熱潮。不過有網民就分享一張相片，指禁晚市後苦了不少打工仔，有市民在一間連鎖快餐店外賣快餐後，隨即在餐廳門外蹲在地上開餐，呼籲市民多點包容和體諒。有網民批評新措施令市民「無啖好食」，亦有人關注在街上開餐會帶來風險。
網民在「巴打絲打Facebook Club」轉載一張相片，原文樓主公審相中男子在蹲在街邊食飯，但發帖網民表示「講一個實際例子，好似我咁身為一個外賣仔，有時更表中間會有少少時間係book唔到，空白咗出黎，無工開就當係休息下走去食個飯」。但現在晚上不可堂食，買回家食又不夠時間，網民表示自己也試過似相中人一樣直接在路邊開餐。每人都有苦衷，絕對是無人想發生的事，「希望各位唔好歧視我哋呢啲焗住係街邊除口罩食飯�H朋友，老老實實我哋唔係怕中招，係怕唔知自己中招再害到其他街坊」。
帖文引起熱議，不少網民都感到心酸，「其實香港人返工搵錢已經唔係為生活...係為生計，都係想可以舒舒服服食餐飯，原post唔幫佢仲要笑佢」、「有頭髮邊個想做癩痢」、「所以有時見人話人冇帶罩影相放上網都有啲覺得唔太好，因為你唔知人哋原因，之前有啲公公婆婆冇錢買/有時有啲人唔記得咗帶就出咗街」。亦有人批評政府的政策苦了市民，「唧牙膏政策」、「市民冇啖好食」。
歡迎光臨 桑拿街論壇 (http://sauna-88.com/forum/)
Powered by Discuz! 6.0.0
【星島日報報道】第三波疫情下人人自危，政府頒令食肆晚上6點後不准堂食，亦掀起一股網上公審不戴口罩者熱潮。不過有網民就分享一張相片，指禁晚市後苦了不少打工仔，有市民在一間連鎖快餐店外賣快餐後，隨即在餐廳門外蹲在地上開餐，呼籲市民多點包容和體諒。有網民批評新措施令市民「無啖好食」，亦有人關注在街上開餐會帶來風險。