標題:
劉小麗急嘔24萬 塞追數者把口！
[打印本頁]
作者:
足仔推油
時間:
2018-9-29 10:14
標題:
劉小麗急嘔24萬 塞追數者把口！
劉小麗噚日去反對派個「雨傘運動」4周年活動，又乘機叫人捐錢籌旗
臨補選忽然找數 單據拒擺上網 屈質疑者係「五毛」
喺前年立法會選舉，小麗老千（劉小麗）靠佢嗰個「老千孖寶」：捐一半人工成立家務義工隊，同埋「免供退保」，諗住呃返個議席返嚟，點知個「免供退保」俾啲有識之士chok兩chok就要收返兼道歉，成立家務義工隊又無晒影，剩返�H捐一半人工更加係得個噏字，無憑無據。小麗老千前日選擇性接受個別友好傳媒訪問，噚日啲報道話佢曾經有公開捐款收據，力證自己夾埋真係有捐半份糧出嚟，不過班花生友就點都唔信，問佢喺網上公開啲收據係咪難成咁。有人就留意到佢喺前年年底到今年5月、即係佢放棄就被取消議席（DQ）上訴引發補選期間，一個仙都無捐過，但係喺今年6月同上個月捐咗成24萬蚊出嚟，質疑佢為咗喺11月補選唔俾人揸住把柄，先至嘔返晒啲糧出嚟。 ■香港文匯報記者 陳庭佳
根據幾間俾小麗老千「寵幸」�H傳媒報道，小麗老千報稱兩年嚟捐咗43萬蚊出嚟，啱啱係佢喺立法會𢭃到�H86萬蚊糧�H一半，而受惠機構就有「香港婦女勞工協會」、「香港廚師聯盟」、「永別劍橋康橋工作小組」、「社區發展推動基金」、「本土研究社」，都係啲反對派衛生組織。塘水滾塘魚都算啦，最弊�H係有一個匿名�H「關注家居照顧服務問題」組織，報稱收咗5,000蚊，喂係咪你自己開㗎？
小麗老千以為咁就過到骨，佢檔「小麗民主教室」個facebook噚日些牙（分享）咗《蘋果日報》�H報道，個小編仲寸寸貢咁講：「捐咗糧，以前不打算要打鑼打鼓四圍講，但『五毛』一定在選舉期會抹黑，捐咗去邊？捐咗糧未？有無單據？係唔（係）自己袋自己錢落袋，所以公開都係一個方法。咁多間傳媒影住啲單，再報出來，仍可以質疑我哋無捐款~~~我實在唔知講乜好。」
只畀友好傳媒影單據
於是乎就辣着咗「無敵神駒」仇思達嘞，佢話小麗老千面對市民監督選舉承諾，居然老屈質疑者係「五毛」，真係恬不知恥，「既然你劉小麗覺得自己係被冤戾�H，點解唔直接將所有單據擺上網，任由公眾查閱，而係通過《蘋果日報》宣稱有單據？乜《蘋果日報》仲有公信力㗎咩？2018年喇，仲玩老屈『五毛』，out（落伍）唔out啲呀！」
未出糧先捐定好神奇
乜又係你呀「狙擊政棍小隊」？呢個facebook專頁近排有水就抽，呢粒大花生又點會少得佢哋吖，佢哋引用另一間有份訪問佢�H網媒《香港01》報道，質疑佢點解喺前年10月同11月報稱捐咗9.8萬蚊、夾埋大約係一個月糧出去，但去到12月就報稱捐成9.54萬蚊，「你會唔會相信佢喺只出咗12月份糧�H情況下，好偉大咁捐定下一個月�H人工，定係根本啲數字係事後亂×咁作上去，無考慮到『出3個月糧但就捐咗4個月�H一半薪金』呢個問題？」
咁都未算最神奇，「狙擊政棍小隊」仲發現咗呢點：「有成24萬�H捐薪，係喺2018年6月及打後先捐�H，點解會咁呀？因為劉小麗2018年5月29日決定撤回DQ案上訴，政府就會開始舉辦補選，佢驚參選嗰陣俾人攻擊佢無履行選舉承諾走咗數，所以呢條八婆政棍咪嗱嗱臨即刻補飛一炮過捐返24萬出嚟，再搵啲媒體幫佢『辟（闢）謠』囉，賤格！」
神駒亦都加把口：「擺明係事後為咗補選塞住人把口先捐，（理論上）每個月捐四萬八，點會捐到咁×騎呢？叫佢擺單據上網啦！」
一直跟開「狗主」黃毓民�H「鹵味男」錢偉洛，更加揚言會喺小麗老千聽日個造勢大會度「畀啲鼓勵佢」，叫佢交啲單據畀大家睇吓咁話！
歡迎光臨 桑拿街論壇 (http://sauna-88.com/forum/)
Powered by Discuz! 6.0.0
