標題:
餅店拒借紙袋 KOL發千字文鬧爆 惹網民公憤
[打印本頁]
作者:
打冷震奇俠
時間:
2018-4-24 03:04
標題:
餅店拒借紙袋 KOL發千字文鬧爆 惹網民公憤
【on.cc東網專訊】手提紙袋拎拎下爛咗，你會點做？有網絡作家日前欲向連鎖餅店相借紙袋，誰料遭職員一口拒絕，遂發貼寸爆餅店，「啲紙袋留番畀你哋煲醋啦！」惟其「公審」行徑卻未獲網民支持。
該網絡作家周日（22日）在其社交專頁發貼，指當日到尖沙咀一大型商場購物期間，手提紙袋突然破爛，東西散落一地，狼狽不堪，遂走到旁邊一間連鎖餅店詢問︰「唔好意思，可以借我一個紙袋嗎」？
據貼文指，當時店員面帶不悅，並以一句「無喎」拒絕。發貼者形容自己猶如被驅趕的乞丐，是種「侮辱」。
他解釋，自己非因借袋不果而生氣，而是不滿店員的態度︰「你可以答『公司policy（規定）要買野（嘢）先俾（畀）袋』，咁我咪買囉」、「家陣香港地邊個俾（畀）唔起幾十蚊」、「你駛（使）唔駛（使）咁樣�H態度講野（嘢）呀」？
他覺得店員稱無紙袋是敷衍他︰「大佬，你啲客買完Cake（蛋糕）好似非洲人咁捧上頭頂行架（㗎）？」他指自己曾多次在該餅店中環分店購物，「我邊次買Cake冇袋？我課足你班粉X一年金呀」！
他最後明言，發貼原意並非要求任何補償，寸爆餅店「唔好諗住送個蛋糕過黎（嚟）（賠禮），我當你面扔去餵狗」。
紙袋風波鬧大，貼文一日內有逾千次回應，惟不少網民均認為該網絡作家「小事化大」︰「一個紙袋就買起你人格」，「無啦啦借紙袋，完全零消費又講到自己買左（咗）野（嘢）咁」。有人則認為，膠袋稅實施後，當局人員會不時「放蛇」，因此不少店員對「袋」都非常敏感，嘆謂「互相體諒下，世界更美好」。
歡迎光臨 桑拿街論壇 (http://sauna-88.com/forum/)
Powered by Discuz! 6.0.0
