標題:
亡命小巴：小巴客深宵全體落車咁邪？網民：何其壯觀
[打印本頁]
作者:
打冷震奇俠
時間:
2018-3-24 06:31
標題:
亡命小巴：小巴客深宵全體落車咁邪？網民：何其壯觀
深夜時分坐着「亡命小巴」，歸心似箭但總是心驚膽顫。昨日（22日）凌晨有大埔網民坐上由旺角開出的小巴時，小巴司機特別的駕駛技術，居然令全車乘客寧願耽誤回家時間，也要集體「嗌有落」。網民雖形容為「好壯觀」，但不少坐過該司機的乘客坦言心有餘悸，「下次見到佢，寧願等多架好過！」
網民在Facebook群組「Tai Po 大埔」中發文，指在昨日凌晨約12時，乘搭一架由旺角開出往大埔的紅色小巴時一步一驚心。他指出當時小巴司機行車時左搖右擺，更「揸唔到正線，不斷行入雙白線，又會踩住雙白線行，入獅隧亦是」，令乘客心寒，大家你眼望我眼，最終全車乘客忍不住鼓起勇氣，齊齊在山路嗌有落。
另一名乘客上載當時車廂內的片段。影片所見，當時小巴車速每小時逾60公里，小巴搖擺不定，令乘客被迫出聲勸喻司機應泊埋一邊，稍作休息。
期間有人大叫：「一係挨埋路邊先啦師傅，冇人怪你�H！」也有乘客直呼：「真係成車人呀，16條人命呀大佬，慢慢泊埋，打死火燈吖。」「唔緊要唔緊要，你慢慢收停吖，泊喺路邊吖...你調一調位，畀你抖一抖！」
雖然乘客們都心驚膽顫，但小巴司機卻未有按乘客叮囑而「收油」。面對無反應的司機，其中一名坐在較前位置的乘客只好緊握窗旁的扶手，最終全部人更寧願轉車了事。車上一名乘客Aningo事後向東網表示，當時司機精神恍惚：「司機答問題嗰陣好似唔知自己答乜咁，然後又自己傻笑」。他又指當時過隧道時，「司機連搵個五蚊都搵唔到」。
不少網民看過貼文後均表示曾乘搭過事件中司機的小巴，「佢上個月先開始揸呢條線，點解咁肯定？佢第一次連點入馬場都未識，要客教佢入馬場。」網民又聲稱：「搭佢車真係嚇都嚇死人」，揚言下次見到該司機「寧願等多架好過」。亦有人提及「坐小巴我唔敢瞓」，直言司機「揸到咁，真係好恐怖」！
我都試過返大埔小巴係咁，好似食咗藥咁，好鬼驚。隨時炒大鑊，死咗唔知咩事。
歡迎光臨 桑拿街論壇 (http://sauna-88.com/forum/)
Powered by Discuz! 6.0.0
