桑拿街論壇 - Powered by Discuz! Board

標題: 任天堂新一代遊戲機 Switch [打印本頁]

作者: blackjackal 時間: 2017-3-6 03:09 標題: 任天堂新一代遊戲機 Switch

雖日前已有不少心急人搶閘買水貨，但今日（3 月 3 日）港行 Nintendo Switch 亦正式到貨開售，連帶一堆配件及遊戲亦同步首發。
行貨售價 $2340 的 Nintendo Switch 除可直駁電視作傳統主機外，其主體亦內置 6.2 吋 720P 解像度螢幕連亮度感應器，內置 32GB 儲存空間同時對應 Micro SD 卡槽及支援 eShop 下載直購遊戲，不到 400g 機身總重攜帶相當方便。

先睇下遊戲機包裝，盒面除印有日文說明外，還會貼上一張「香港原裝行貨」和「延長加1年保養」的貼紙，大家記得唔好拋棄個包裝盒，因為保養時需要出示此盒連發票。至於盒內除主機和左右 Joy-Con 之外，跟機配件都幾豐富，包括：連接電視底座、Joy-Con 手制座、兩個掛有手繩的 Joy-Con 配件、HDMI 線和三腳火牛。

手提機模式下任天堂 Switch 機身頗長，不過因為重量輕巧關係，上手不覺沉重而長時間遊玩亦夠方便。而因為其 Joy-Con 控制器支援無線連接，而主機又內置支架關係，座檯遊玩完全能將主機當獨立螢幕顯示而取出控制器遊玩，相當方便。

電量方面，機身內置電源在獨立操作下的確只有 3 至 4 小時左右遊玩時間，實機充滿電後、連上 Wi-Fi 打機約個半小時就已剩 50% 電量。不過因為今次 Switch 採用 USB-C 埠充電，接上副廠 2A 輸出充電池或充電器，喇叭音量輸出約一半已足以「叉住打」回電，故解決電量問題並不困難。

港行版 Switch 既無鎖區，又有本港兩年保，出機肯定較水貨安心。買機時留意港行版包裝盒有「香港原裝行貨」標記，盒內有香港原裝行貨保固證同時，包裝內配置的 USB-C 充電器亦為英製三腳頭。留意的時香港行貨任天堂 Switch 會跟帶及原裝盒方可獲維修，故用家出機後謹記保留包裝。

歡迎光臨桑拿街論壇 (http://sauna-88.com/forum/)