桑拿街論壇 - Powered by Discuz! Board

標題: 【甘寧老師】一架紙飛機引來一個死八婆 [打印本頁]

作者: 80後宅男 時間: 2016-8-25 02:25 標題: 【甘寧老師】一架紙飛機引來一個死八婆

近日網絡流傳一段短片，內容大致上係講緊一個自稱李大當家嘅女士，疑似因為小朋友架紙飛機整到佢而大動肝火，粗口橫飛都算仲出腳踢個小朋友！呢位小朋友媽咪即刻上前道歉並詢問李大當家點解要踢佢個小朋友，引來一連串精彩罵戰。

去片：[youtube]watch?v=NtMBg6lw_ow[/youtube]
https://www.youtube.com/watch?v=NtMBg6lw_ow

香港地乜人都有，好似片中人咁野蠻嘅女士都算係極品之一，同一位小朋友斤斤計較都算，言行完全唔似一個正常成年人，如果附近有精神病院，我有理由懷疑佢可能係其中一名走失左嘅院友。
首先，只係一架毫冇殺傷力嘅紙飛機都可以激起佢三丈火，可想而知大當家嘅EQ有幾高！被紙飛機偷襲背脊，一嚟就用粗言穢語辱罵一個細路，講唔夠二句仲上前腳踢對方，真係小家到冇朋友。
我諗任何人見到自己仔女比陌生人攻擊都會異常緊張，呢位媽媽都唔例外，上前了解事件後已經好禮貌咁代為道歉，不過呢位媽媽似乎未接觸過呢類野蠻人，竟然同佢講理，問佢有冇必要出腳踢自己個仔。

唔問都好，一問就把起火，自卑心作祟嘅大當家唔知點解會覺得個細路係有目的咁用紙飛機整佢！正常人都會知道係唔小心，同埋非針對性行為，講講下又響朵又問人跟邊到，唔講我以為自己睇緊小學雞版古惑仔。

其實遇上呢種野蠻人唔洗緊張，佢地只會虛張聲勢嚟掩飾自己嘅自卑心，夏蟲不可語冰，同佢地講道理只會影響自己心情同浪費自己時間！香港地雖然有好多唔正常嘅人，但慶幸嘅係正常嘅人仍然係佔多數，只要道理係自己呢邊，一定會有人力撐，至少事件至今我仍未見到有人幫大當家講好說話。

[ 本帖最後由 80後宅男於 2016-8-25 02:28 編輯 ]

歡迎光臨桑拿街論壇 (http://sauna-88.com/forum/)