標題:
問米？亡兄一到即場踢爆自己女友勾佬 ！
[打印本頁]
作者:
bobbychan
時間:
2016-1-15 14:35
標題:
問米？亡兄一到即場踢爆自己女友勾佬 ！
事件發生咗都成20幾年，當年我啱啱讀完書出來工作，考咗入一間酒店工作，我有個女同事同我好friends ，係日日返工放工都一齊，放工就一齊吃下飯唱下K（當年啱啱興埋卡拉ok，仲會响酒吧唱大堂個年代），不過我有我女朋友，呢個女同事都有男朋友，所以我地只係好好嘅朋友。
跟著我地都有經常聚會，後來連佢大哥同佢個妹什至佢大哥嘅女朋友都有一齊來聯宜下，所以大家都係幾熟，佢大哥係當差嘅，而且已經係三柴沙展，守交通部，本身都係騎警，而佢自己都係電單車發燒友，不過佢駕駛態度就好小心謹慎，所以從未出過意外。
點知跟著果年大概96年農曆7月咁上下，佢大哥有一晚收工揸車回家突然發生意外，响屯門公路連人帶車衝咗落去一個已經欄晒路障嘅掘路工程地洞，成架電單車撞到着火燒到爛晒，不過好奇怪佢大哥需然當場撞到胸骨同頸骨碎咗，但係外表係無乜傷痕，大家聽到呢個消息都好傷心，而我個女同事同佢媽媽，妹妹，同大哥嘅女友，都好傷心，悲痛欲絕，跟著就大家睇下有D咩嘢要幫手，處理呢位英年早逝嘅朋友後事，佢女朋友一直都表現好傷心，不過我發現佢由事發到出殯都好似好怕單獨面對大哥（補充一點，大哥同佢女友已經到咗談婚論嫁地步），什至入停屍間見下佢男友最後一面都唔肯單獨見下佢遺容！
咁當時我都以為女仔細膽啫，其實怕都好正常，咁於是隨着時間過去，大家都慢慢接受咗呢個事實，大家都重回正常生活了，不過大概事發後半年，大哥個女朋友突然問我個女同事可唔可以借大哥張死亡證俾佢calm 保險，因為原來大哥為咗保障佢女友，除咗買咗份保額達15萬美金嘅大保險俾受益人係佢阿媽之外，另外都靜靜雞買咗份賠償額達15萬美金嘅保險，受益人就係佢女友，所以到而家就要搞賠償嘞，咁佢女朋友都話唔要，又話出咗賠償之後俾返晒佢死者媽媽，佢真情流露又眼淚汪汪咁，就大家都信佢女友仲係有情有義嘅，連我都幫口勸我朋友，呢個係佢大哥嘅心願，就幫佢女友申請賠償啦，咁於是乎呢單嘢就進入咗索償程序。
就係呢個時候，大哥一家實在太掛着佢，又驚佢走得太忽忽，有心願未了，咁啱我地其中一個朋友識得一個問米靈媒，响元朗一條鄉住叫二姑嘅問米婆，咁我地約好咗時問就同埋死者嘅媽媽、我個女同事同埋佢妹妹、另外仲有我同另外一個大家都識嘅朋友同埋大哥個女友，我地一行六人，入到去神壇，呢個二姑個壇擺咗三隻碗裝滿米，每碗米上面放咗隻鴨蛋，跟着二姑就向三碗米各上一注香，然後低頭說了幾分鐘一D我地完全唔知係講咩嘅說話，跟著當二姑再抬頭直視我地時，二姑已經係一眼直視我地仲人，跟著開聲講嘢，需然仲係二姑把聲，已經變咗大哥生前說話嘅語氣！我地都又驚又喜又好奇呢個陰間亡魂同陽間家人嘅會面，有D乜嘢驚悚體驗呢？
咁嘅情形，最激重莫過於死者媽媽，佢一見到大哥到，就立即大哭，捉住二姑隻手話好掛着佢，大哥就話生死有命，時也命也都係因為要還冤孽債，原來大哥發事當晚，係有隻佢之前處理過嘅一單交通意外而死咗嘅少女鬼魂，因為覺得大哥對佢好好，幫佢揾人安排佢屋企人辦理後事，所以想拉埋佢落去陪佢，大哥話當晚佢開到架車速度成80幾90公里，佢係俾鬼揞眼，完全係睇唔到個地洞先會撞爛晒D路障再插落個成8呎幾深嘅地洞度，佢呀媽知道後更加哭到肝腸寸斷，呢個時候呀大哥就同佢家人講咗好多只有佢地一家人先知道嘅秘密家事，佢呀媽都適應咗呢個方式溝通，由於原來佢地上來陽間係好短時間，枱面果三碗米同三隻鴨蛋每裂開一隻代表時間就到，三隻鴨蛋都裂晒代表亡魂要上路返陰間，就响佢爆到第二隻鴨蛋時佢呀媽同大哥講 : 「阿玪（大哥女友），都嚟咗呀，佢都好掛着你，你有咩嘢同佢講下？」
呢個時候我見到佢女朋友，全頭大汗，手抖腳震咁講咗句 : 「你响下面好嗎，我好掛住你，你想要乜我燒俾你。」佢女友講嘅時候係一直流眼淚，真係睇到我地都心痛難過，點知，佢男友，大哥亡魂連直眼都唔睇佢女朋友一眼，同佢呀媽講：「你地做乜麻煩人地嚟，我嘅事唔關佢事，人地而家已經有咗另一個男朋友仲住埋咗好耐啦！」
呢段說話由大哥亡魂講出來簡直難以至信，我地一齊望住佢女友，佢一跟喊到講唔到嘢，手抖腳抖得好利呢害，响呢個時候大哥先同佢女友講，: 「我知你已經有咗第二個男人，仲住埋一齊好耐，基本上我剛過頭七你就同佢一齊，佢而家仲响你屋企第你返去！」
大家都驚訝點解會咁㗎，呢個時候，大哥同我地，包括佢呀媽，屋企人同我地講：「我頭七果一次返去睇佢，見到佢地瞓埋一張床！阿田（大哥女友新男人個名就係叫阿田）仲俾本書妳打傷咗我，仲趕我走」！呢個時候佢女友終於醒起當日佢男友死咗之後，佢覺得好空虛好難過，點知就俾一個追咗佢好耐嘅一個觀音兵，就趁佢感情脆弱時成虛而入，點知有一明突然有一隻好大嘅蝴蝶飛咗入來，趕極都唔走，所以一時心急拍咗隻蝴蝶落地，仲揾本書夾着佢掉出窗口！
到呢時，話佢大哥已經受傷，不過永遠不及心傷，最後，佢用最後一隻鴨蛋爆裂之前同佢女友講：「呢個男人只係想要我留俾你嘅保險賠償金，而家你已經變咗心，我留俾你嘅嘢你係唔可以攞，不過呢一世你始終係我嘅掛念，呢D保險賠償一成俾你，你自己好自為知，講明你聽，如果你夠膽唔張餘下九城俾返媽媽，我可以保證你好快到落嚟陪我，你自己諗清楚」！
講完呢句之後，第三隻鴨蛋都裂埋，然後二姑回覆正當語氣，話大哥上嚟時有好大冤氣同殺氣，但係上來交代一砌之後覺得感到佢好多嘢都釋懷晒，冤氣同殺氣都消弭無型。
跟着之後大哥個女朋友攞到差不多成百港元嘅保險賠償，不過佢唔敢唔守諾言，將九成賠償金俾反【大哥嘅媽媽】，呢單真係玄之又玄嘅一件事實個案！
歡迎光臨 桑拿街論壇 (http://sauna-88.com/forum/)
Powered by Discuz! 6.0.0
