標題:
【蘋果踢爆】豆花妹撈米線財困想上市 疑教加盟商造數
[打印本頁]
作者:
老沙
時間:
2015-7-9 17:04
標題:
【蘋果踢爆】豆花妹撈米線財困想上市 疑教加盟商造數
二人在葵涌開設食物工場，向加盟商「一條龍」供應食材，前後投資逾百萬元。加盟商馮先生去年9月在尖沙嘴開店。除繳付14萬元加盟費外，合約也規定只可向豆花妹工場訂購食材。馮稱，對方口頭承諾食材售價只佔營運成本3成半，盤算後認為有利可圖。開業1個月後卻發現倒蝕3萬元，「睇番清楚盤數，原來食材來貨價俾佢哋所講貴好多，成本要佔4成半，追問下佢先話承諾嗰3成半淨係指米線，唔包小食同醬料，又話其他舖都賺大錢，營運冇問題。」到今年5月，馮仍持續月蝕數萬元，故決定「違約」改賣其他串燒小食，反而首次錄得2萬元利潤，但因累積虧損50多萬元，決定結業。他接觸其他加盟商，發現眾人也遇上同樣情況。其中荃灣、太子及天水圍的加盟商分別在今年中結業或找人「頂手」離場；元朗店更索性拆走豆花妹招牌，改營其他小食生意。馮之後再接到新世紀來電，指豆花妹急需資金周轉，游說馮入股投資，《蘋果》記者以拍檔身份偕同馮出席商談。見面期間，老闆之一的麥泳豪坦言經營不善，欠下銀行及貨商逾70萬債務，又稱「7月冇問題（維持經營），8月就唔知喇。」新世紀代表郭浚庭在旁吹噓，建議馮注資100萬元購入豆花妹49%股份，揚言正計劃將豆花妹上市，指「全線集團每個月要做416萬數，或者打單、係打單，打多416萬」，便可「砌靚盤數」上市，「𠵱家講緊一隻殼最新成交價係3億3（創業板），如果我哋砌夠2億上去，一上去就炒高50%。」眼見記者面露疑惑，他進一步稱已問過「數佬」，「佢幫我哋諗掂佢」，指現時分店每月營業額逾十多萬，只需開夠20間分店，再每間推高營業額至20萬元，「自己打單入數、攞返屋企食自己搞掂佢啦，咁我哋已經夠數（上市）......到時呢一枱嘅人就係上市公司嘅broad（董事會）！」大律師陸偉雄指，上述行為已構成串謀詐騙，「即係佢計劃做犯法行為，想搵埋其他人入局，有意圖已經構成（罪行）。」建議交警方調查，以免有其他市民受害。律師黃國桐指，上述說法已涉及串謀及教唆偽造帳目，最終能否被定罪，要視乎當時當事人提出計劃時的詳細程度。記者事後表露身份致電麥泳豪，詢問豆花妹是否將結業。他詫異地稱：「你聽邊個講，好好笑」，稱公司財政穩健，不會結業。但當記者提出當日見面細節，他則改口承認有找投資者，稱「做生意有好多唔同嘅講法......我哋講嘅嘢就係冇證冇據嘅，即係我講啲嘢唔代表我公司講嘅嘢，明唔明？」新世紀代表郭浚庭回應時指「未聽過」豆花妹周轉有問題；拒絕回應有否教唆其他投資者造數上市。
新移民青年麥泳豪及張超的「創業夢」，令多個加盟商各虧損數以十萬計，紛紛結業離場，直斥兩人無良；除指控食材成本與最初承諾不符，供貨時也經常偷工減料、帳目混亂。
今年5月加盟豆花妹的Grace，坦言原是豆花撈米線的「粉絲」，「睇電視見到佢哋兩個，覺得好有膽色，信得過。」眼見該店生意不俗，便向家人籌集70多萬元開鋪，「事後先知佢哋公司嚴重虧蝕，重不斷搵新加盟商，知唔知害咗幾多家庭、幾多員工？真係好無良。」
她指，加盟後除了發現食材價格與原本承諾貴外，帳單也極混亂，試過來貨24隻皮蛋，卻索價1,728元，「重有好多都係霉嘅、爛嘅，根本唔可以畀人食。」其後她自行到街市購買同一批食材作比較，「1包肉醬我哋親自整嘅成本係20蚊，佢（豆花妹）賣畀我哋收65蚊，簡直斂財。」最終她在上月決定「跳船」，找到其他人頂讓，連同加盟費、裝修及設備等虧蝕50萬元離場。「臨走前我同新加盟商講過，佢預咗豆花妹唔掂，隨時轉營其他小食生意。」
另一個加盟商阿敬去年10月接手元朗現址的加盟店，同樣因食材成本不符，即使每日賣出逾百碗米線，每月仍是淨蝕逾萬元。直至他們察覺食材有問題，以電子磅檢查，「一包醬寫明2,000克，磅完先知得1,200克。」上月阿敬索性除下豆花妹的招牌，改為經營其他小食。
西灣河加盟商同樣在今年4至5月正式開舖，近日認識其他加盟商，才驚覺唯獨他的食材來貨價，較其他加盟商再貴多一成，「佢同我講係劃一價錢，事實係海鮮價。」除此之外，每月他也要多繳5,000元月費及2,000元宣傳費，「宣傳咗啲咩？係佢facebook出個post囉。」現時他也計劃將舖位改經營其他小食。
老闆之一的麥泳豪回應時指，合約沒訂明食材價格、以及是否劃一收費；但承認不排除是人為錯誤令食材「少咗」，「你知我哋唔係一間耐嘅公司，只係一間新公司，由兩個青年人創嘅公司......一定有少少偏差，咁我哋都有跟進番嘅。」
歡迎光臨 桑拿街論壇 (http://sauna-88.com/forum/)
Powered by Discuz! 6.0.0
