手機黨
以下為真人真事 ............. 如有類同, 實屬不幸!
如果各位有去開深圳華強路, 都好喜歡約下朋友去麥記 (McDonalds) 等! 或者肚餓,
去麥記買個包頂下肚!
當你買完個飽坐低! 就會有一個人, 個樣都唔算好樣衰果種走埋去你果到, 之後攞部手機出黎, 近期興 N95, 總之係比較貴價果幾款! 之後問你有無興趣買, 可以平多少少俾你,
當套現!
你地可能以為賣部 A 貨假野俾你啦? 錯! 是正貨! 更加是大陸行貨全新機! 開價幾多?
佢因為急套現, 就 $2000 人仔啦! 港幣 ........... $2100 都算啦!
一部大陸行貨全新 N95 用 2000 就買到, 係咪好抵? 你一定會話, 無可能! 一定是假貨? 好, 佢會俾你 check 個夠! Check 到你信為至!
好野! 買到平野! 買完即放都有最少 1000 落袋啦! 係咪好著數? 當然無咁著數啦! 你去得華強路, 放 (賣)部手機, 易過你放個屁啦! 使益你?
當你俾完錢! 咁你個包都未食! 當然食埋個包先走啦! 條友賣完俾你, 佢就即走! 但戲肉到 .............. 條友一走, 你剛好想放個包入口 .......... 就有兩三個人走埋去
你果到! 話你偷佢部手機! 有埋證人! 佢帶埋部 N95 既盒, 有埋 IMEI 同買機收據
(單), 更加唔係用 cash 買! 用 card 買架! 有證有據!
你話有人賣俾你架 ............ 剛剛先走! 一樣死! 接藏呀! 你一係俾番部 N95 我,
如果唔係, 就報公安! 咁你俾唔俾?
人地人又多! 又有齊證據! 你呢? 上到去公安局, 你點講?
多謝 2000! 又一個中招!
