近日，有移英港媽在社交平台分享自身經歷，指發現身邊不少英國人似乎沒有存錢習慣甚至幾乎是月光族，令她大嘆「原來英國人�H理財觀念，好似同我哋幾唔同」，帖文引發熱議。
該名移英港媽以「原來有人戶口真係可以得返£2」為題發文，提到近日與舊同事聊天，對方訴苦生活拮据，甚至表示再這樣下去，就要賣自己腿照給有特殊癖好的男人以「幫補生計」。樓主聞言心中暗忖：「我心諗，原來英國人可以去到呢個程度」。樓主直言，「其實我一直都有個疑問，英國人�H理財觀念，好似同我哋幾唔同」。
緊接樓主又分享了兩個案例，指以前同事間過生日會夾錢買禮物給壽星，每人夾£5，但竟有好幾次都有同事表示戶口僅剩£2，等出糧才有£5。對此，樓主坦言：「我聽到嗰一刻，其實係有啲震驚，我心諗廿幾三十歲人啦，幾千鎊攞唔出就話啫，£5啫喎，但原來真係有人戶口可以剩£2」。其又指現公司同事亦是如此，「公司叫同事幫婆婆買麵包，點知個同事竟然話，自己戶口冇晒錢，連一包麵包�H錢都冇」。樓主直言聽到後都驚呆了，「原來真係有人，戶口可以去到一鎊都冇」。
樓主感嘆，「可能係文化差異，香港人覺得戶口要有啲錢先安心。但英國人真係可以出糧到用晒，再等出糧人生長期月光模式」。於是樓主更好奇詢問網民，「想問下大家，你見過最梅�H戶口餘額係幾多?」，「A.£0∼£10，B.£10∼£50，C.永遠都唔會低過£100」。
帖文掀起熱議討論，不少網民紛紛留言表示：「見過£28，每周等universal credit開飯�H，26歲廢青，flatmate (佢自己話係專登唔做嘢㗎!覺得日日屋企打機好開心)」、「我同事新入職未出糧，佢話想問HR幾時出，因為等錢交仔女�Hschool trip費用£30」、「有客嗌pizza點知張卡insufficient fund，佢喺我面前打咗5個電話眾籌£16」、「聽過有同事男朋友買戲票都唔夠錢，話要等下星期出糧先可以去睇戲」、「我之前有個local同事，佢同我講，佢張debit card負咗錢，佢連返工搭tube都tap唔到，要行路返工」。
亦有網民則揶揄，「英國有差唔多4成成年人戶口存款少於1000鎊」、「英國local�Hdebit card可以負錢㗎，之後佢哋等出糧cover返個數（但應該負�H唔可能係大數目）所以0唔夠低」、「其實同稅率無關，主要係因為文化問題，月光族/先洗未來錢係呢度�H主流」、「其實好多外國人月月清」。
https://www.dotdotnews.com/a/202603/20/AP69bcc119e4b0c32d4f6c685c.html
