為打擊市民逃票行為，港鐵近年加強執法，頻頻派出職員在港鐵站及輕鐵網絡進行查票。今日一名港人在社交平台發帖，指自己乘搭輕鐵首班車時，現場直擊一家三口逃票被港鐵職員斷正。沒想到，其中一名大人不但沒有否認，反正脫口而出一句抱怨，瞬間惹怒大批網民，直斥「無恥到咩程度先講得出口」。
輕鐵全家逃票？事主被斷正後一句話激嬲全網
該名港人於Facebook群組「車cam L（香港群組）」上發帖，指今早乘坐輕鐵首班車時，親眼目睹一家三口疑似未有拍卡，被港鐵職員當場截查的經過。他亦上載現場照片，可見拍攝地點疑為天水圍某輕鐵站，當時天色未亮，但月台上已有4至5 名港鐵職員（俗稱「小黃人」）進行查票。
樓主表示，該一家人被港鐵職員斷正後毫無悔意，其中一名大人更語出驚人表示「都未曾試過咁早捉」，疑似抱怨港鐵太早查票。樓主聽後不禁質疑：「咁即係次次佢哋都有可能冇拍？」事件一出亦隨即在網上掀起熱議。
網民狠批行為可恥 憑一點推測是「慣犯」
大批網民留言怒轟一家三口行為實在可恥，其中一名大人的態度更是強詞奪理，「幾蚊都慳仲要覺得理所當然」、「無恥到咩程度先講得出口」。不少人更指出，當事人反應顯示已屬「慣犯」，直言「直頭係長期逃票，應該罰重啲」、「自己大大聲話比所有人知次次都唔拍卡，真神奇」。
生仔要考牌？網民轟父母行為「教壞細路」
部份網民批評事件中兩名大人不但逃票，態度更是錯誤示範，更直指「生仔要考牌真係冇錯」。有留言指出，該父母逃連數十元車費都要逃，反映其價值觀嚴重偏差，「為人父母做個壞榜樣」、「這種家庭長大�H細路，第二時大個咗都只係會做賊」，批評該家庭完全無視對子女的影響。
逃票經濟學爆紅 網民：點計佢都賺
亦有網民反向思考，以「逃票經濟學」分析罰款金額未必足以阻嚇，認為該家人即使被罰仍是有賺無蝕，「罰一次錢都只係相等於佢搭45.5日，但我唔信佢個半月就會俾人捉到一次」。
另一部份網民則以搞笑方式回應事件，「早鳥優惠」、「呢個優惠唔係經常有，過左就冇架啦」，又揶揄事主不應埋怨：「一定喺港鐵錯！無體諒市民咁早出門」、「同輕鐵投訴，唔應該咁早開工」，更笑指三個人合力可能「走得甩」。
https://hk.ulifestyle.com.hk/topic/detail/20082252
