搭港鐵在車廂內緊握吊環扶手時，遇上扶手斷裂事件，難免出現尷尬困境。有港男便不幸遇上斷扶手的狼狽情況，但其反應適切，有可能成為「教科書式應對」範例；而職員就事件的反應也備受網民關注。
樓主：整爛咗地鐵個扶手
樓主早前在社交平台Threads上載相片發帖，自爆乘搭港鐵港島綫時「整爛咗地鐵個扶手」；相中樓主手持斷掉的扶手環，較遠的背景是斷掉的扶手位置。樓主在回應網民時抱怨，事件「搞到我好尷尬，整到我成手灰」。
由於事情也有可能發生在自己身上，網民對此特別關注紛紛查問細節，包括如何弄斷、怎樣善後，以及要否賠錢等。
綜合網民查問和樓主回覆
綜合查問和樓主回覆如下：
網民好奇提出連串問題，「Ending（結局）係點」、「勁！準備賠錢啦！」、「手柄幾多錢？」、「賠咗幾錢」、「自首未？」。
樓主回覆：「唔使，落咗車交返俾客戶服務中心就叫我走」、「唔使賠，俾返客務中心之後仲同我講唔該」、「俾返職員同佢講你嚿嘢爛咗」、「一蚊都唔使賠，俾返人就算」、「落車咪交返俾佢」。
•網民：「你點做到的」、「竟然可以整斷？」。
樓主：「嚿嘢本身應該虧虧地。少少力就扯爛咗」、「拉拉下就斷咗，跟住周圍啲人哇一聲望住我 」。
•網民：「手有無傷，有叫佢賠醫藥費」。
樓主：「搞到我好尷尬，整到我成手灰，又未至於受傷」。
網民：我都試過 成程扮捉住個扶手
有網民笑言，這是「真正�H緊握扶手」；另有人透露原來也曾遇上類似情況，「我都試過」、「我都試過，架車急剎，成個扶手扯爛咗仲要仆埋Ｘ」、「我都試過啊，跟住我成程扮係捉住個扶手，費事俾人發現」。
港鐵回應《星島頭條》查詢時表示不清楚當時的實際情況，若乘客見到有車廂內設施受損或運作不暢順，可即時聯絡港鐵人員以便作出適切跟進。
https://www.stheadline.com/local-topics/3509663/
