餐廳食物質素十分重要，有港男在茶餐廳吃海南雞飯，由於店家在餐牌上寫明是「去骨海南雞飯」，但他發現「件件雞都有骨」而大感不滿， 更提出解決方法指師傅若不懂或不想去骨，建議他去文具舖買封箱膠紙，然後剪到剛剛好遮住「去骨」兩隻字，「得咗」， 港男嬲到發文公審。有網民指餐廳「漏咗係前面加『自己』兩字」、「愈嚟愈多切雞飯加碟醬就話自己海南雞飯」。
有港男因吃「有骨海南雞飯」而嬲到在
Threads上發相公審。相片拍下他吃了一半的海南雞飯，見到有不少雞骨在碟上，有的是雞翼部位的骨頭。樓主指「如果佢係切雞飯，我就真係冇意見，可惜佢唔係咁寫」，令他感到不滿。
帖文引來網民熱議，有人笑言「噒骨個阿婆放假」、「漏咗係前面加『自己』兩字」、「唔使遮住去骨兩個字嫁，遮個去字就得」、「愈嚟愈多切雞飯加碟醬就話自己海南雞飯」。
網民：雞翼位不嬲都有骨㗎
不過也有網民認為未必是店家問題，指出「好老實去骨雞，其實雞翼位不嬲都有骨㗎」、「因為我去過好多間店食海南雞，雞翼位係唔會去骨�H」。
https://www.hk01.com/article/60281917?utm_source=01articlecopy&utm_medium=referral
