有缺德港鐵乘客犯眾憎，進入車廂後隨地擺放巨型背囊，幾乎阻擋車門，背囊旁的大行李箱更是放正車門中央。有看不過眼的正義港男一度「出腳」對付，卻因為一現實原因而最終「放佢一馬」。
亂擺放正車門中央
樓主早前在社交平台Threads上載相片發帖，相中見到列車正停靠荔景站，車門打開。巨型的紅色背囊外似乎掛著軟墊等露營用品，背囊前還有一個倒地的膠水樽。
背囊後的地上，分別是一個以透明膠袋包裹的行李，和一個黑色大型李箱，上面還放有一個小背囊。行李箱的擺放位置，正正是車門正中間，有阻礙乘客上落之嫌。
有回應的網民笑言，物主可能「準備去橋咀島露營」。 另有人則嚴正批評阻塞車廂的自私行為，斥責「超級自私精」、「呢啲真係好討厭」、 「點解放正門的中間，真係無語 」、「一袋二袋唔係問題，但放埋一邊係咪真係咁難呢」。
網民：見到都香港腳發作
有頑皮的網民笑言「見到都香港腳發作」、「我有個大胆的想法 .... 」；有人甚至把話說得白了，揚言有意「送佢個篋出門口」、「我會落車順便同佢拉出門口」、「嘟嘟聲之前連人帶喼衝出車外」、「閂門之前趕住衝出去、一個唔小心成件行李踢埋出去」。
不過，對於這些大胆的想法，有網民提醒「你臨關門時，先衝出去，跟手一腳踢佢出車。不過咁，大家有時都會出外遊行，好多時啲行李都會亂咁放，如果人地又咁對你，你又有咩嘢感覺呢」。
樓主自爆曾「出腳」對付
而在回應網民的「好大�H誘惑，落車仲見到一定一腳伸佢出月台」留言時，樓主自爆「行過踢咗一腳，發現好重，入面應該滿載，決定放佢一馬」。
去年，有網民在荔枝角港鐵站發現有大批行李篋，整齊排列月台和大堂，無人看管，引起網民熱議，有網民奇怪問，是否港鐵有行李寄存服務
https://www.stheadline.com/local-topics/3507710/
