詐騙電話無日無之，平時日常收10個8個「潛在詐騙」或「疑似垃圾來電」，但這類電話在農曆新年假期期間卻突然消失，如此不尋常的情況也被網民留意得到。
樓主：年假一個詐騙電話都無
樓主大年初一（29日）傍晚近6時在facebook群組「網上騙案受害者大聯盟」發帖，查問「KK園。農曆新年。都會放假？今日一個詐騙電話都無」，結果獲大批網民和應。
有網民讚樓主心水清，指「我真係收不到電話，每日平均最少10個。你不提醒我都不發覺」。對於這個奇景，回應的網民深有同感地指「係喎」、「又係喎」、「係喎，無收過喎」、「係喎，好寂寞」。
3字頭、樓盤電話都冇
網民續稱，「連啲3字頭電話一個都冇打過嚟」、「係噃！真係一個電話都冇，連樓盤電話都冇！」、「係喎？？今日真係一個都無......」、「係喎，平時日日都10個8個電話，今日竟然冇」、「有同感！新一年祝他們永遠收爐」。
有人更加發現，其實「年廿九已經冇，放得早過我」，另有人跟進地稱，「又係喎，初二都冇電話」、「連續兩天無收到電話」、「兩日都無」。對於這份難得的手機清靜，網民格外感恩，指「真係好清靜，好難得」、「世界本應如此安靜」。
網民梳理騙徒日常操作線索
接著有人梳理出對騙徒日常如何操作可能有用的線索——「賊都要放假㗎」、「係KK管理員放假」、「KK park（KK園）都有人情味，今日應該園區有派對」、「可能去咗食開年飯」，有人更滿腹陰謀論——「我覺得佢哋要開工的」、「不會，劇本還在進行中，年終無休」、「部署中，手下不要影響上頭的部署」、「繼線一日，要做返364日」、「要開年！打鑊甘�H」、「不是放假，所有人捉咗去受訓」。
有人更加突然爆料，指「有小部份係香港啲古惑仔做開」、「佢哋頭三個禮拜假」、「2月5號又開工」。另有人細心地關注情騙案如何延續，怎樣跟「愛人」解釋——「咁呃開情騙嗰啲突然間消失咗啊？會唔會有啲怪」。
https://www.stheadline.com/local-topics/3424439/
