有移英港媽近日因為洗頭次數問題，飽受文化差異衝擊，驚訝有人一星期洗一次頭？又有阿女的同學仔淋雨當洗頭。有網民更大爆當地人曾提及的換底衫褲次數。
樓主睇訪問：平均一周洗一次頭
樓主早前在社交平台Threads上載一張鬆郁矇，相信是學校街景的相片，以「英國生活#文化差異」為題發帖，稱：「作為一個一般�H香港人，每日沖涼洗頭就基本啦∼（Ok，我承認有時我係隔日洗頭�H）。咁我都明白，英國天氣比較寒冷，乾燥，出汗亦少∼，佢哋唔會每日沖涼洗頭係衝擊唔到我�H。我心目中�H唔係每日，都有可能係隔日又或者隔多一日，但早前有睇過一個訪問，佢哋係平均一星期洗一次頭！
是日全日間續咁落雨，眾所周知英國人係鍾意淋雨啦，就算由頭濕到落腳，都完全無懼風雨咁繼續淋。大家姐就好奇咁問本地�H同學仔：“咁你今晚返去會唔會洗頭？”，同學仔就答：“點解要洗呀？宜家咪洗咗囉，今個星期唔使洗啦，可以下星期再洗。”喂呀∼我真係理解唔到，細細個媽媽教落淋咗雨一定要洗頭，定係佢哋啲雨水乾淨啲？#充滿衝擊的一天#英國日常」。
網民分析：皮膚唔同無油
樓主在回應欄補充「根據阿女講佢哋喺學校�H衞生習慣，所以我信咗∼」。於是有人分析「Local（當地人）皮膚唔同無油，唔油唔出汗就唔黐𥹉𥹉；亞洲人皮膚相對多油，啲油會黐塵、黐死皮會覺得痕」。
不過，也有不少回應的網民好奇，如果真是一星期洗一次頭，「頭唔Ｘ痕咩？」、「好奇會唔會有陣頭油味？」、「問題係佢地個頭唔㾗㗎咩？」、「我係好奇點解個頭唔痕？？我兩日無洗已經勁痕！！。此外，還有人強調「就係淋完雨先要洗」。
網民陸續爆料
回應的網民陸續爆料指：
「所以咪有頭蝨囉」、
「所以成日有生頭蝨」、
「英國學校頭蚤常有」、
「佢哋仲會耐唔時有頭蚤」、
「周不時學校有通告有人有頭蚤」、
「好想知道佢哋屋企佢哋、張床可以有幾污糟⋯」、
「所以佢哋好後生就開始無頭髮囉。對個頭皮咁差」、
「英國寄宿學校宿生有頭蝨都算幾Common（普通）」、
「所以⋯⋯間唔中會收到學校通知，話某某班有小朋友有頭蚤」。
還有人講出與當地人接觸後，就個人衛生的所見所見聞：
•有個同事話佢係從來唔洗頭，但係我哋話佢有陣味後佢終於開始洗頭喇；
•同事病咗，一返屋企係除咗鞋就上床瞓......如果你睇過屋就見到佢哋通常放鞋入衣櫃；
•學校老師都有提過最好一個星期沖兩至三次涼，佢地好多噴止汗濟就算，但老實又唔覺得佢哋有臭味；
•之前個frd（朋友）問我幾日洗一次頭，我話日日，結果佢叫我好似佢咁隔一個禮拜先洗啦，唔隔一個禮拜洗�H話好傷害頭皮；
•網上媽媽Group（群組）啲英國媽媽係討論應該幾耐沖一次涼洗一次頭....我都覺得呢啲點解有討論�H空間，唔係應該每日沖涼咩？！頭如果唔污漕隔日洗都仲得；
•我以前以為就算佢哋個日唔沖涼，都會換內衣褲，直至10年前我exchange（做交換生）時host mum（寄宿媽媽）同我講，佢冬天一個星期先換一次內衣褲，所以叫我都唔好換得咁頻密......簡直刷新咗我對英國�H文化觀。
但也有網民自爆入鄉隨俗，稱「嚟到呢度我依然日日洗頭，沖涼就改為一星期兩次」，有人並分析出除膚質外，少洗頭沖涼的原因可能是「英國水費貴呀」、「天氣凍係原因。更大原因係煤氣費同水費貴，好多家庭都想慳錢，所以盡量唔沖涼洗頭」。
有為人父母的臨老陪子女
on99移民英國，卻因為人生路不熟而日日留家望天花板，生活失色。一名移英港人近日發文，指驚覺父母在移民後變得沉默——「移咗英國之後，發現最難適應的，唔係天氣，唔係文化，係爸爸媽媽的沉默」。面對這一聲沉默的巨響，有回應的網民反問樓主：「為咩呢？」、「好心帶佢哋返香港」
https://www.stheadline.com/local-topics/3466315/
