近期不少移英港人都十分頭痕，皆因拎BNO移居想轉永居，要先過英語能力考試。一名移英四年的港男就發文大呻，自己英文唔掂，已經打定輸數考試會唔合格，到時可能會焗住回流喎，結果帖文惹來不少網民譏笑。
該名移英港男在fb群組 「Hong Kongers in UK - 英國香港人」發文稱，自己持BNO移民英國已經四年，近期面對永居的B1英語能力試，已打定輸數，「我係BNO持有人，我英文唔掂，但係最早嗰批過嚟英國，已經4年了，已經打定輸數考試會唔合格，係咪會焗住回流？」。
不過，移英港男心有不甘，認為制度不公，「我係BNO護照持有者，但冇BNO護照但有BNO visa�H人士因為識d英文而可以拎到永居有點唔公平」。
帖文惹來不少網民留言譏笑，「B1=香港初中英文程度咁上下」、「嚟咗英國四年，英文連B1都冇，我覺得你唔係學唔掂，而係根本冇心學」、「B1好淺咋喎，得B1，會考都唔合格」、「下下想回流就回啦。路自己選，不過浪費咗英國個5年only」、「英國主要係用英文，你嚟得就預咗，唔通要［就］你用中文？？」、「英文又搞唔掂，中文又唔多好，連打幾句都甩甩咳咳…係好難搞，去到邊都難搞呀！」、「連考個英文咁基本都睇死自己�H直接回流啦，唔使問啦」。
https://www.dotdotnews.com/a/202505/06/AP68199c90e4b0e343b0e9230c.html
