‹‹ 上一主題 | 下一主題 ››
發新話題
打印

「女中醫」睇男士濕疹要除褲？召妓指南賣廣告：全球獨家精液顏色斷診

2023/1/1

中級骨精

Rank: 9Rank: 9Rank: 9

帖子
855 
精華
1 
積分
1528 
閱讀權限
70 
註冊時間
2023-1-1 
最後登錄
2024-11-15 
1# 大 中 小 發表於 2024-5-21 14:09  只看該作者

「女中醫」睇男士濕疹要除褲？召妓指南賣廣告：全球獨家精液顏色斷診



TVB《東張西望》近日收到一名濕疹男病人的太太投訴，指丈夫找一名自稱女中醫的「阿紅」治療期間，被要求除褲查看精液。《東張》工作人員隨後放蛇，阿紅被問到有無牌，她更發難：「都話中醫從來都冇牌，牌咩啫！」其後更在召妓指南網站上發現阿紅的資料，廣告中還寫明：「全球獨家首創，精液顏色斷診」。





























































報料人Dana指其丈夫長年受到濕疹困擾，曾嘗試不同的西醫治療方法，但只要一停藥就會復發；後來Dana丈夫從網上平台見到自稱「阿紅」的女中醫，聲稱保證三次就可以斷尾：「我先生想試一試，就聯絡呢位自稱中醫�H女士，上門接受治療。」Dana表示丈夫上門後，阿紅對他以刮沙治療濕疹患處：「進行到一半，嗰位女士開始就話『可能係濕疹，性功能方面有問題』，繼而要求我先生除晒啲衫，喺佢肚上面進行按摩，按摩同時無啦啦拔罐，喺佢肚臍附近。嗰位女士話係前列線，嗰度有影響。」
報料人丈夫被要求除衫按摩

按摩了一會，阿紅更要求看男病人的精液，才決定進行甚麼療程，或身體有無其他隱藏疾病：「要求佢除褲，想幫佢攞精液出嚟。」Dana續指當時其丈夫感到「唔對路」，因而謊稱趕時間，停止阿紅的動作，並指希望下次才完成療程：「先生問下次療程係咩，嗰位女士話『下次你咪知囉』，跟住就畀咗錢就走咗。」Dana表示丈夫當時未由完成療程，只是支付500元現金便立刻離開。Dana更指丈夫回家後，發現他上臂受傷：「同埋頸嗰啲，好似刮沙刮得好嚴重，肉都爛晒，我覺得仲嚴重過佢本身�H濕疹。」

Dana隨後致電該阿紅：「佢啲態度好閃縮，佢話『邊個同你講㗎？點解你會知㗎？我好多客㗎！』支吾以對，我同佢講咗幾佢，佢就收咗我線。」現時香港規定必需要註冊中醫或表列中醫才可執業行醫，不過該名自稱女中醫並無對客人展示全名，只以「阿紅中醫理療」為牌頭行醫，難以查詢她是否無牌行醫。

《東張》團隊自稱濕疹病人，向「阿紅」查詢治療詳情，並預約時間上門求診。不過阿紅的對話卻非常誇張，指「濕疹嚴重的時候就會抑鬱，香港發生過濕疹女孩抑鬱拿到（刀）宰父母」、「濕疹毒不光造成早洩，會破壞全身的功能」。
拒絕兩個人同時入內

《東張》派出兩名男工作人員向阿紅於尖沙嘴一棟大廈內的診所「求醫」，不過水牌卻不見名字，單位外亦無招牌，非常隱閉，而阿紅的診所內有按摩床，亦有人體穴位模型及拔罐工作。到門口時，阿紅竟然拒絕陪疹的工作人員進入：「呢度唔只可以一個人入，唔可以兩個人入嚟，你去其他地方食啲嘢唞下，你兩個男人係咪？我哋安全問題。」最後只有其中一名工作人員入內。

不過全程阿紅都並無望工作人員所指患有濕疹的後頸，只是不斷再講「醫學理論」，工作人員稱患濕疹已經幾年，不過阿紅卻指：「最少十幾年，幾年前都有只係未爆出嚟。」阿紅自稱可以幫工作人員排毒：「出晒嚟，三、五次全部清晒。」阿紅又指要全身檢查清楚：「檢查你皮膚顔色、溫度、硬度。」阿紅的療程單次為1,000元，不過三次就有優惠價，只需2,300元。阿紅更恐嚇工作人員：「你濕疹困住裏面，唔單只濕疹痕咁簡單，你睇你面色黃黃哋，成個人都冇精神。（我唔夠瞓嘛）佢破壞你腸胃功能、前列腺功能、心肺功能，你喘氣都有問題。（我唔夠瞓先面色唔好。）啲毒困住裏面一定有問題。」全程無視工作人員都說話。
自稱中醫：中醫從來都無牌！

當工作人員提出想要病假紙，阿紅自揭並無中醫牌：「我冇得開，我冇嗰啲中醫牌呀！有呢啲牌�H話，我就唔係開樓上舖，我（開）地下舖，大招牌打出嚟喇！」阿紅又表示自己在網上已經賣廣告10年，然後突然以普通話說：「掛了10年！我就是大陸過來的中醫，好中醫都是大陸的。」被問到在內地有無牌，她說：「肯定的，是香港沒牌嘛。我就是專門研究這個人家醫不好的。」雖然工作人員多翻追問治療方法，但阿紅始終不願透露：「我而家唔可能講你知，我講你知我唔使收錢喇。」

再追問到為甚麼不在香港考牌，阿紅發難說：「唔關嗰啲事，都話中醫從來都冇牌，牌咩啫！我有病人搵我就得喇！我哋係中醫慨念，但我係獨家�H一個嘢。」隨後又轉channel以普通話繼續說：「獨家的東西，我研究了一個方法、一個思維，全世界都沒有！」
召妓網站賣廣告標明價錢

其後《東張》在網上搜尋阿紅的資料，竟然連去一個召妓指南網站，上面更寫有「男人唔補好易變虧佬！對自己好！中醫做得到！」廣告中更明碼實價列出不同療程的價錢，當中包括男士性功能、前列腺的問題。廣告中更寫明：「全球獨家首創，精液顏色斷診」。 《東張西望》明日將繼續追訪個宴，更上演一場樓梯追逐戰。

另外，曾參加《中年好聲音2》的中醫徐澤昌接受《東張》訪問，對於「阿紅」的獨創療表示：「其實全球首創，我相信都需要數據支撐。我哋中醫有幾千年歷史，一直以人體做實驗，見到療效保存落嚟。」徐澤昌續指：「佢話佢花20年創立全球首創治療方法，第一我哋唔知佢哋內容係乜；第二唔知佢根據係乜。喺我眼中，佢一定係無稽之談。」


https://std.stheadline.com/realtime/article/2000009/%E5%8D%B3%E6%99%82-%E5%A8%9B%E6%A8%82-%E6%9D%B1%E5%BC%B5%E8%A5%BF%E6%9C%9B%E4%B8%A8-%E5%A5%B3%E4%B8%AD%E9%86%AB-%E7%9D%87%E7%94%B7%E5%A3%AB%E6%BF%95%E7%96%B9%E8%A6%81%E9%99%A4%E8%A4%B2-%E5%8F%AC%E5%A6%93%E6%8C%87%E5%8D%97%E8%B3%A3%E5%BB%A3%E5%91%8A-%E5%85%A8%E7%90%83%E7%8D%A8%E5%AE%B6%E7%B2%BE%E6%B6%B2%E9%A1%8F%E8%89%B2%E6%96%B7%E8%A8%BA

TOP

‹‹ 上一主題 | 下一主題 ››
發新話題