【Yahoo新聞報道】第五波疫情重創飲食及零售業，晚市堂食明日（21日）終於重開，不止飲食業磨拳擦掌，一般零售業亦希望能刺激市民消費意欲，帶動人流。有連鎖食肆晚市訂位已近爆滿，預料整個飲食業可恢復7、8成營業額。有小店恐顧客轉投酒樓或高級餐廳懷抱，推出新菜式及聯合其他小店推多種優惠吸客。有連鎖珠寶金飾店亦指會恢復正常營業時間。
晚市禁堂食近4個月，不少食肆叫苦連天。對於明日終可重開晚市堂食至晚上10時，叙福樓集團主席兼行政總裁黃傑龍表示歡迎，稱整個飲食業在過去數月，營業額只有平時的3至4成，預計重啟晚市後，可恢復7至8成生意 ，「起碼一定止血喇，餐飲業最黑暗日子終於捱過」。
叙福樓集團2月底曾宣佈全線約40多間分店停業，一個多星期後陸續重開。黃傑龍稱，所有分店早已準備好重啟晚市，在2、3星期前已開放晚市堂食訂座，反應熱烈，未來兩周訂枱已達8、9成滿，「差唔多已訂滿晒咁滯，事實上市民都困得太耐啦，太耐冇見過朋友，我相信一開返（晚市堂食），見朋友呢個需求都係會好強勁」。
黃傑龍又指，將推出新菜式迎客，明日亦會向每位堂食顧客贈送一杯飲品，「6點後請所有（堂食）顧客飲啤酒，入嚟食飯就開心飲杯啤酒，當然唔飲啤酒，汽水都得，開心吓」。
https://hk.news.yahoo.com/%E6%99%9A%E5%B8%82%E5%A0%82%E9%A3%9F-%E9%BB%83%E5%82%91%E9%BE%8D-%E9%A3%9F%E8%82%86-%E5%84%AA%E6%83%A0-%E5%90%B8%E5%AE%A2-230703796.html
