指林鄭訴苦行為 旨在「警告」潛在參選對手
何柱國指香港於反修例事件後被制裁，原因是林鄭的「私人行動」，他直言：「點解我講私人行動？我哋一直以為係中央叫你（林鄭），結果一年前英國�H大使(中國前駐英大使劉曉明)正式講呢個係香港自己要做�H事。」何柱國續指︰「所以你（林鄭）怨乜嘢啫？你諗吓我哋香港人點呀？」
何柱國又批評林鄭「冇視野，經驗唔夠」，指做領袖不是「歎世界」，質疑林鄭：「你唔好埋怨話無六親，你冇六親係反修例之前，定係反修例之後？」
何柱國指林鄭訴苦行為是「粵語殘片」，他說「佢呢套嘢係劇本，佢有個目的，第一係講俾人聽做呢份工有幾委屈、幾犧牲自己；同埋一樣嘢，要制裁一世，佢要警告人哋，你嚟參選要俾人制裁一世㗎！」
林鄭早前分享任特首「甜酸苦辣」︰預咗一世被制裁
事緣民建聯早前舉辦首屆「政道」治政理念研習課程，由特首林鄭月娥任開學禮主禮嘉賓，林鄭更親自授課，題目是「為政之道——從宣誓說起」。據聞，林鄭月娥與學員閉門交流其間，大談擔任特首的「甜酸苦辣」，坦言「預咗一世被制裁」，因翻查美國政府制裁伊朗官員紀錄，被制裁者即使日後不在位，仍繼續被制裁。林鄭又提到，擔任特首要犧牲私人空間和時間，除了工作還是工作，與親威已沒太多來往，亦沒有邀請他們到禮賓府，因為要做到「whiter than white」，每件事都要小心。
大讚梁振英勤力 民望再低也低不過林鄭
何柱國亦在節目中，談及另一潛在「跑馬仔」人選、全國政協副主席梁振英。何承認自己和梁振英「有牙齒印」，但指對方2012年上任特首後為香港覓地「搵到喪」：「好多人唔鍾意佢，但我心裡面（認同）佢一定勤力過我，佢一定經驗多過我，我講真唔係講假，同埋佢有不屈不撓精神。佢民望可能差啲，但唔會差得過阿太（林鄭）啦……我認識佢多啲，但我認為佢唔差㗎。」
談到土地供應，何柱國狠批林鄭任內叫停郊野公園邊陲用地發展的研究，又言如果不是這樣「𠵱家已經有得住喇」：「佢（林鄭）唔鍾意梁振英，就剷晒佢啲嘢。」他又稱林鄭於2017年找來擔任房屋公職多年的黃遠輝當主席，成立的土地供應專責小組就土地供應選項作諮詢，是「搵一班傻仔」。
何柱國又大肆批評，林鄭為了「流芳百世」啟動「明日大嶼」計劃，但需時甚久，「你4月1號做啦，大愚人節，明日『大愚』囉！你咪『愚人』囉！」
https://www.hk01.com/%E6%94%BF%E6%83%85/635230/%E6%96%BC%E9%9B%BB%E5%8F%B0%E7%AF%80%E7%9B%AE%E6%89%B9%E6%9E%97%E9%84%AD-%E5%86%87%E8%A6%96%E9%87%8E-%E4%BD%95%E6%9F%B1%E5%9C%8B-%E5%85%A8%E9%A6%99%E6%B8%AF%E5%9B%A0%E4%BD%A0%E8%87%AA%E6%8A%8A%E8%87%AA%E7%82%BA%E8%A2%AB%E5%88%B6%E8%A3%81
