黃圈真係奇葩多，有人懶，有人淫。同黑暴分子關係密切�H「獨立音樂人」霍朗齊近日喺facebook開post，講起佢曾經搵咗位「家長」照顧一名「手足」�H生活，點知呢位「手足」近日俾「家長」以停止畀生活費嚟威脅佢上床。涉事「手足」拒絕後山窮水盡，惟有搵返霍朗齊求救。霍朗齊其後呼籲網民「真心」幫吓呢位「手足」，點知「連登仔」講盡風涼話（見表），話事主有手有腳唔該自己賺錢。唉，雖然「連登仔」似乎都講得幾啱，但以前說好的不割席呢？
「家長」照顧「手足」？原來係想呃人上床。此前涉及「十二港人潛逃台灣案」而被控「串謀協助罪犯」�H霍朗齊，近日貼出同涉事「手足」�H對話內容截圖。事主話，早前由霍朗齊介紹畀佢嗰位「家長」一直照顧佢�H生活費同住宿費，但呢位「家長」兩個月前就迫佢「出賣身體」，話要同佢上床，否則就會停止支援佢。
霍朗齊爆料後抽身等「私了」
事主仲好慘情咁話，自己最後拒絕咗「家長」�H要求，靠自己捱咗一個月後「就嚟冇錢交租」「唔到走投無路都唔想求人幫」，所以希望霍朗齊可以再幫幫佢喎。
唔少黃絲網民都要求霍朗齊公開涉事「家長」�H資料，話要聲討呢啲人面獸心�H敗類。「Tony Yeung」話：「唔可以一段嘢就係吖，霍生，你有冇多D（啲）証（證）據，查清楚有証（證）據就攞出嚟×，公審佢，唔好比（俾）對家入位。」但「蘇蝦宝」就反對：「開左（咗）名個家長可能會爆個小朋友資料！所以等個小朋友安定好先再算。」
霍朗齊就話事主唔肯公開個「家長」名，仲話要「私了」解決喎。有黃絲批評霍朗齊不負責任，霍朗齊就寸返對方：「我接觸超過2,000位『家長』，義務『家長』品行好靠自律，我無（冇）可能無時無刻監管每一個青年及『家長』……我理得晒�H？你幫我湊其中五十個好嗎？」
「自己去黃店搵工啦你」
呢個post喺俾人轉發咗去「連登」後，成功獲得接近800個負評，絕大多數「連登仔」都講盡風涼話，盡顯呢班黃絲幾咁無良。「108078」就稱：「長貧難顧，大佬你冇計……唔係咩事都WhatsApp『家長』攞錢。」「quakies」就話：「人地（哋）無迫佢wow（喎），話晒都養左（咗）佢兩個星期（月）先提出，算係咁，選擇權係（喺）佢到（度），又唔係強姦。」
「卡富張伯詩」亦話：「（事主）細過15歲？如果大過15歲自己搵part time啦，就算飲食市道幾差應該肯搵都有人請，呢行長期缺人，仲要飲食最多黃店。」
「連登仔」極刻薄：「唔做」又求包養
ianndior2：你唔做「雞」我點養你呀？
掀起你的蓋頭來：佢地（哋）自己要求包養又唔付出，想點？
我不是她：佢真係無錢又唔想返工，就唔該同屋企人認錯返去住。
kinsir：先唔講個「家長」，兩個月前都已經知道被（俾）人接濟唔係長遠，都唔搵方法去照顧自己，如果係太細個搵唔到野（嘢）做，扮都好，咪番（返）屋企認下（吓）錯，過幾年可以獨立咪獨立。
11111111D：都已經過左（咗）成年×兩年，仲支持佢做乜×，根本就唔關黃藍事，呢d（啲）問題兒童就算冇呢場「革命」都會離家出走。有手有腳仲要乞資助。
大師兄黎明：邊有逼？扑個野（嘢）姐（啫），唔制咪收工。
置地揸𨋢人：黃就大晒咩，養你一世好唔好？
https://www.wenweipo.com/a/202104/04/AP60691520e4b04e1918cefef0.html
