駕駛者在馬路掉頭經常發生，不過作出動作前，都要留意交通情況。近日有電單車司機在行駛時，突然「冇先兆」下急速掉頭，險被尾隨車輛撞及。網民反問電單車司機「唔要命？」
事發在周二（28日）傍晚近6時半，地點發生在粉嶺祥華邨。從目擊者Stanley Ng在Facebook群組「馬路的事討論區」上載的車Cam片所見，事主駕車隨電單車前進，駛至祥華邨邨口時，電單車突然駛近路邊，正當以為對方停車時，電單車冇任何示意下，突然右轉，企圖掉頭至對行線，剛好在事主座駕前駛過，幸事主眼明手快，立即扭軚閃避，成功避過相撞。事主在貼文勸電單車司機注意安全，「唔好拎隻腳較飛」、「頭並唔係話掉就掉的」。
有網民嘲笑電單車司機「想死？」亦有人指電單車司機好彩，「遇上謹慎司機」。但有網民亦有不同意見，認為事主「跟車太貼」同樣有責任。
http://hk.on.cc/hk/bkn/cnt/news/ ... 0131_00822_001.html
