上年11月，有凍肉行業網友爆料，
廚師腸�H美國生產商因為經營問題，將會停止運作，
令一眾fans擔心冇腸食紛紛入貨，
仲一度傳出有人將一包廚師腸炒到200蚊一包！
當時，香港代理商大昌行表示，會諗方法令供應不受影響。
新年過後，廚師腸�H香港代理商就喺facebook專頁出post報喜。
「非常感謝一眾粉絲對廚師腸�H熱愛同支持。
我地�H團隊，經過多個星期�H努力 , 終於可以同大家預告：
廚師腸好快就會返嚟啦!
我哋繼續以原來�H獨家配方，美國製造，保留大家喜愛�H味道！」
唔少「腸迷」都相當興奮，仲話要多謝車公！
雖則大家咁懷念呢隻腸�H味道，但係都有唔少留言建議配方要減鹽，
咁另一面一定有人話「唔鹹唔係廚師腸」啦。
究竟係以咩方法，令停產�H廚師腸重現江湖？
包起生產商個廠房專做腸？買起配方搵第間廠做？
最緊要係，個味會唔會有唔同？
點都好，唔使慳住食啦！即刻淥個麵加腸先！
