【星島日報報道】出外旅遊搭飛機，理應預早到登機閘口準備登機。有港女疑因遲到八分鐘，於登機閘口被拒上機，期間更講粗口鬧職員，指「我跑過嚟，仲要補錢，無野呀」，引起網民熱烈討論。
有網民於Facebook專頁「PLAY HARD 玩硬」轉載兩段影片，首段片段所見，一名港女於機場登機閘口與職員理論，期間一名男子在旁向職員表示：「講一講啫，唔得咪由佢囉」，其後有職員回應指是安全問題，其後港女隨即拍檯插咀「咁你而家拿拿臨安排下一班俾我啦，唔通我喺到等呀，快啦，九唔x搭八」，其後轉身離去，而職員已表示「幫你睇緊，俾少少時間好唔好。」其後該名男子向職員道歉。
第二段片段所見，該名港女向職員表示該時間很多人，「喂我要逼架喎，跑過嚟呀，仲要補錢，無野呀。」她身後朋友從遠處大叫「勁多人check緊in呀」，職員向港女表示「麻煩下次早少少到機場」。港女隨即連珠炮發「排隊呀嘛，小姐，你試下，唔係補錢呀，九唔x搭八」。
轉載影片的網民指，航班早上9時10分開出，「呢班人09:18先到閘口，仲要抵賴話排隊時間太耐，實情係去咗買咖啡排長龍搞到要送機尾」。
不少網民都不值港女所為，認為她不講道理，「 我未搭過飛機都知要預早兩個鐘去到機場check in啦」、「 我以為只有拍戲才有咁樣⋯」、「其實真係無理由登機都遲到」。
