zoomam

自從有智能手機，去廁所開大嘅時間，就越來越長。

有時完咗事，死都要坐到腳痺先走。

假如你都係呢類人，麻煩你企起身！有報導話重慶有個男人，踎廁所玩手機半粒鐘冇出過嚟，懷疑因此影響血液循環，俾人發現昏迷倒地。送院之後證實瞄部受損，變成植物人。

嗱，聽落好得人驚，但係報導冇講到，個男人係咪本身有其他疾病？
係坐咗半個鐘然後出事，定係去去下廁所出事半個鐘後先有人發現？
所以直接將「上廁所玩手機」同「玩得耐會暈低變植物人」兩件事連埋，好難成立。
不過，有醫生話，如果本身少運動，踎得耐廁所真係會頭暈。甚至會令直腸脫垂……

著返條褲出去玩好過啦。